________________ भगवई स. 7 उ. 6 573 अतिप्पणयाए अपिट्टणयाए अपरियावणयाए एवं खलु गोयमा ! जीवाणं सायावेय. णिज्जा कम्मा कज्जति / एवं णेरइयाण वि, एवं जाव वेमाणियाणं / अत्थि णं भंते ! जीवाणं असायावेयणिज्जा कम्मा कज्जति ? हंता अत्थि। कहण्णं भंते! जीवा गं असायावेयणिज्जा कम्मा कज्जति ? गोयमा! परदुक्खणयाए परसोयणयाए परजूरणयाए परतिप्पणयाए परपिट्टणयाए परपरियावणयाए बहूणं पाणाणं जाव सत्ताणं दुक्खणयाए सोयणयाए जाव परियावणयाए एवं खलु गोयमा ! जीवाणं असायावेयणिज्जा कम्मा कज्जति, एवं गैरइयाणवि, एवं जाव वेमाणियाणं // 285 // जंबुद्दीवे णं भंते ! दीवे मारहे वासे इमीसे ओसप्पिणीए दुसमदुसमाए समाए उत्तमकट्ठपत्ताए भरहस्स वासस्स केरिसए आयारभावपडोयारे भविस्सइ ? गोयमा ! कालो भविस्सइ हाहाभूए भंभाभूए कोलाहलभूए समयाणुभावेण य णं खरफरुसलिमइला दुविसहा वाउला भयंकरा वाया संवट्टगा य वाहिति, इह अभिक्खं 2 धूमाहिति य दिसा समंता रउस्सला रेणु. कलुसतमपडलणिरालोगा समयलक्खयाए य.णं अहियं चंदा सीयं मोच्छंति अहियं सूरिया तवइस्संति अदुत्तरं च णं अभिक्खणं बहवे अरसमेहा विरसमेहा खारमेहा खट्टमेहा अग्गिमेहा विज्जुमेहा विसमेहा असणिमेहा अपिवणिज्जोदगा (अजवणिज्जोदया) वाहिरोगवेयणोदीरणापरिणामसलिला अमणुण्णपाणियगा चंडाणिलपहयतिक्खधाराणिवायपउरवासं वासिहिति / जे णं भारहे वासे गामा. गरणगरखेडकब्बडमडंबदोणमुहपट्टणासमगयं जणवयं चउप्पयगवेलए खहयरे य पक्खिसंघे गामारणपयारणिरए तसे य पाणे बहुप्पगारे रुक्खगुच्छगुम्मलय. वल्लितणपव्वगहरियोसहिपवालंकुरमाइए य तणवणस्सइकाइए विद्धंसेहिति, पव्वयगिरिडोंगरउत्थलमट्टिमाइए य वेयड्डगिरिवज्जे विरावेहिति सलिलबिलगड्डदुग्गविसमं णिष्णुग्णयाइं च गंगासिंधुवज्जाइं समीकरेहिति / तीसे गं भंते ! समाए भरहवासस्स भूमीए केरिसए आयारभावपडोयारे भविस्सइ ? गोयमा! भूमी भविस्सइ इंगालब्भूया मुम्मुररुया छारियभूया तत्तकवेल्लयभूया तत्तसमजोइ भूया धूलिबहुला रेणुबहुला पंकबहुला पणगबहुला चलणिबहुला बहूणं धरणिगोयराणं सत्ताणं दुणिक्कमा यावि भविस्सइ // 286 // तोसे णं भंते ! समाए भारहे वासे मणुयाण केरिसए आयारभावपडोयारे भविस्सइ ? गोयमा ! मणुया भविस्संति दुरूवा दुवण्णा दुगंधा दुरसा दुफासा अणिट्ठा अकंता जाव अम
