________________ 572 अंग-पविट्ठ सुत्ताणि रइयाउयं पडिसंवेदेइ, एवं जाव वेमाणिएसु। जीवेणं भंते ! जे भविए गैरइएसु उववज्जित्तए से णं भंते ! कि इहगए महावेयणे उववज्जमाणे महावेयणे * उव. वण्णे महावेयणे? गोयमा! इहगए सिय महावेयणे सिय अप्पवेयणे उववज्जमाणे सिय महावेयणे सिय अप्पवेयणे अहे णं उववण्णे भवइ तओ पच्छा एगंतदुक्खं वेयणं वेयइ आहच्च सायं / जीवेणं भंते ! जे भविए असुरकुमारेसु उववज्जित्तए पुच्छा, गोयमा ! इहगए सिय महावेयणे सिय अप्पवेयणे उववज्जमाणे सिय महावेयणे सिय अप्पवेयणे अहे णं उववण्णे भवइ तओ पच्छा एगंतसायं वेयणं वेएइ आहच्च असायं, एवं जाव थणियकुमारेसु / जीवे गं भंते ! जे भविए पुढविक्काइएसु उववज्जित्तए पुच्छा, गोयमा ! इहगए सिय महावेयणे सिय अप्पवेयणे, एवं उववज्जमाणेवि, अहे णं उववणे,भवइ तओ पच्छा वेमायाए वेयणं वेएइ, एवं जाव मणुस्सेसु, वाणमंतरजोइसियवेमाणिएसु जहा असुरकुमारेसु // 282 // जीवा णं भंते ! कि आभोगणिव्वत्तियाउया अणाभोगणिव्वत्तियाउया ? गोयमा ! णो आभोगणिव्वत्तियाउया अणाभोगणिव्वत्तियाउया एवं गैरइयावि, एवं जाव वेमाणिया // 283 // अत्थि णं भंते ! जीवाणं कक्कसवेयणिज्जा कम्मा कज्जति ? [गोयमा ! ] हंता ! अस्थि / कहण्णं भंते ! जीवाणं कक्कसवेयणिज्जा कम्मा कज्जति ? गोयमा ! पाणाइवाएणं जाव मिच्छादसणसल्लेणं, एवं खलु गोयमा ! जीवाणं कक्कसवेयणिज्जा कम्मा कन्जंति / अस्थि णं भंते ! णेरइयाणं कक्कसवेयणिज्जा कम्मा कति ? एवं चेव, एवं जाव वेमाणियाणं। अत्थि णं भंते ! जीवाणं अकक्कसवेयणिज्जा कम्मा कति ? हंता! अस्थि / कहण्णं भंते ! जीवाणं अकक्कसवेयणिज्जा कम्मा कति ? गोयमा ! पाणाइवायवेरमणं जाव परिग्गहवेरमणेणं कोह. विवेगेणं जाव मिच्छादसणसल्लविवेगेणं, एवं खलु गोयमा ! जीवाणं अकक्कसवेयणिज्जा कम्मा कज्जति / अस्थि णं भंते ! गैरइयाणं अकक्कसवेयणिज्जा कम्मा कति ? गोयमा ! णो इणठे समठे, एवं जाव वेमाणिया, णवरं मणस्साणं जहा जीवाणं // 284 // अस्थि णं भंते ! जीवाणं सायावेयणिज्जा कम्मा कति ?हता ! अस्थि / कहणं भंते ! जीवाणं सायावेयणिज्जा कम्मा कति ? गोयमा ! पाणाणुकंपयाए भूयाणुकंपयाए जीवाणुकंपयाए सत्ताणु. कंपयाए बहूणं पाणाणं जाव सत्ताणं अदुक्खणयाए असोयणयाए अजूरणयाए
