________________ भगवई स. 7 उ. 3 569 ताए वक्कमति विउक्कमति चयंति उववज्जति, एवं खल गोयमा ! गिम्हासु बहवे वणस्सइकाइया पत्तिया पुफिया जाव चिट्ठति // 274 // से पूर्ण भंते ! मूला मूलजीवफुडा कंदा कंदजीवफुडा जाव बीया बीयजीवफुडा ? हंता गोयमा ! मूला मूलजीवफुडा जाव बीया बीयजीवफुडा / जइ णं भंते ! मूला मूलजीवफुडा जाव बीया बीयजीवफुडा कम्हा गं भंते ! वणस्सइकाइया आहारेंति कम्हा परिणामेति ? गोयमा ! मला मलजीवफुडा पुढवीजीवपडिबद्धा तम्हा आहारेंति तम्हा परिणामेति, कंदा कंद जीवफुडा मूलजीवपडिबद्धा तम्हा आहारेंति तम्हा परिणामेंति, एवं जाव बीया बीयजीवफुडा फलजीवपडिबद्धा तम्हा आहारेंति तम्हा परिणामेति // 275 // अह भंते ! आलुए मूलए सिंगबेरे हिरिली सिरिली सिस्सिरिली किट्ठिया छिरिया छोरिविरालिया कण्हकंदे वज्जकंदे सूरणकंदे खेलूडे अद्दए भद्दमुत्था पिंडहलिद्दा लोही णीहू थीहू थिरुगा मुग्गपण्णी अस्सकण्णी सीहकण्णी सीहंढी मसुंढी जे यावण्णे तहप्पगारा सव्वे ते अगंतजीवा विविहसत्ता? हंता गोयमा! आलुए मूलए जाव अणंतजीवा विविहसत्ता // 276 // सिय भंते ! कण्हलेसे णेरइए अप्पकम्मतराए णीललेसे रइए महाकम्मतराए ? हंता ! सिया ।से केणठेणं भंते ! एवं वुच्चइ-कण्हलेसे णेरइए अप्पकम्मतराए णीललेसे रइए महाकम्मतराए ? गोयमा ! ठिइं पडुच्च, से तेणठेणं गोयमा ! जाव महाकम्मतराए / सिय भंते ! णीललेसे णेरइए अप्पकम्मतराए काउलेसे णेरइए महाकम्मतराए ? हंता ! सिया। से केणठेणं भंते ! एवं वचइ-णीललेसे रइए अप्पकम्मतराए काउलेसे णेरइए महाकम्मतराए ? गोयमा ! ठिई पडुच्च, से तेणठेणं गोयमा ! जाव महा. कम्मतराए / एवं असुरकुमारेवि, णवरं तेउलेसा अब्भहिया एवं जाव वेमाणिया, जस्स जइ लेस्साओ तस्स तत्तिया भाणियवाओ, जोइसियस्स ण भण्णइ, जाव सिय भंते ! पम्हलेसे वेमाणिए अप्पकम्मतराए सुक्कलेसे वेमाणिए महाकम्म. तराए ? हंता ! सिया / से केणठेणं० ? सेसं जहा णेरइयस्स जाव महाकम्मतराए // 277 // से णणं भंते ! जा वेयगा सा णिज्जरा जा णिज्जरा सा वेयणा ? गोयमा ! णो इणठे समठे / से केणढेणं भंते ! एवं वच्चइ जा वेयणा ण सा णिज्जरा जा णिज्जरा ण सा वेयणा? गोयमा ! कम्म वेयणा णोकम्म णिज्जरा, से तेणठेणं गोयमा ! जाव ण सा वेयणा। रइयाणं भंते ! जा वेयणा सा णिज्जरा जा णिज्जरा सा वेयणा ? गोयमा ! णो
