________________ 568 अंग-पविटु सुत्ताणि मणुस्सा य एवं चेव, सेसा अपच्चक्खाणी जाव वेमाणिया। एएसि णं भंते ! जीवाणं सव्वत्तरगणपच्चक्खाणीणं० अप्पाबहगाणि, तिणिवि जहा पढ़मे दंडए नाव मणसाणं / जीवा गं भंते ! कि संजया असंजया संजयासंजया ?गोयमा ! जीवा संजयावि असंजयावि संजयासंजयावि, एवं जहेव पण्णवणाए तहेव भाणियव्वं जाव वेमाणिया, अप्पाबहुगं तहेव तिण्हवि भाणियन्वं / जीवा गं भते ! कि पच्चक्खाणी अपच्चक्खाणी पच्चक्खाणापच्चक्खाणी ? गोयमा ! जीवा पच्चक्खाणीवि एवं तिण्णिवि, एवं मणुस्सावि तिण्णिवि, पंचिदियतिरिक्खजोणिया आइल्लविरहिया सेसा सवे अपच्चक्खाणी जाव वेमाणिया। एएसि नं भंते ! जीवाणं पच्चक्खाणीणं जावं विसेसाहिया वा ? गोयमा ! सव्वत्थोवा जीवा पच्चक्खाणी पच्चक्खाणापच्चक्खाणी असंखेजगुणा अपच्चक्खाणी अणंतगुणा, पंचेंदियतिरिक्खजोणिया सव्वत्थोवा पच्चक्खाणापच्चक्खाणी अपच्चक्खाणी असंखेज्जगुणा, मणुस्सा सव्वत्थोवा पच्चक्खाणी पच्चक्खाणापच्चक्खाणी संखेज्जगुणा अपच्चक्खाणी असंखेज्जगणा // 272 // जीवा गं भंते ! कि सासया असासया? गोयमा ! जीवा सिय सासया सिय असासया। से केणठेणं भंते ! एवं वुच्चइ-जीवा सिय सासया सिय असासया ? मोयमा! दव्वयाए सासया भावयाए असासया, से तेणठेणं गोयमा! एवं वुच्चइ-जाव सिय असासया। गेरइया णं भंते ! कि सासया असासया ? एवं जहा जीवा तहा रइयावि, एवं जाव वेमाणिया जाव सिय सासया सिय असासया / सेवं भंते ! सेवं भंते ! त्ति // 273 // सत्तमं सयं तइओ उद्देसो वणस्सइकाइया णं भंते ! कि कालं सवप्पाहारगा वा सव्वमहाहारगा वा भवंति ? गोयमा ! पाउसवरिसारत्तेसु णं एत्थ णं वणस्सइकाइया सव्व. महाहारगा भवंति तयाणंतरं च णं सरए, तयाणंतरं च णं हेमंते, तयाणंतरं च गं वसंते, तयाणंतरं च गं गिम्ह, गिम्हासु णं वणस्सइकाइया सव्वप्पाहारगा भवंति / जई गं भंते ! गिम्हासु वणस्सइकाइया सव्वप्पाहारगा भवंति; कम्हा गं भंते ! गिम्हासु बहवे वणस्सइकाइया पत्तिया पुफिया फलिया हरियगरे. रिज्जमाणा सिरीए अईव-अईव उवसोभेमाणा-उवसोभेमाणा चिट्ठति ? गोयमा ! गिम्हासु णं बहवे उसिणजोणिया जीवा य पोग्गला य बणस्सइकाइय
