________________ 560 अंग-पविट्ठ सुत्ताणि छठे सयं दसमो उद्देसो. अण्णउत्थिया णं भंते ! एवमाइक्खंति जाव परूवेंति जावइया रायगिहे णयरे जीवा एवइयाणं जीवाणं णो चक्किया केइ सुहं वा दुहं वा जाव कोलट्ठिगमायमवि णिप्फावमायमवि कलमायमवि मासमायमवि मुग्गमायमवि जूयामायमवि लिक्खामायमवि अभिणिवतॄत्ता उवदंसित्तए। से कहमेयं भंते ! एवं ? गोयमा ! जण्णं ते अण्णउत्थिया एवमाइक्खंति जाव मिच्छं ते एवमाहंसु, अहं पुण गोयमा / एवमाइक्खामि जाव परूवेमि सव्वलोएवि य णं सव्वजीवाणं णो चक्किया केइ सुहं वा तं चेव जाव. उवदंसित्तए / से केणठेणं ? गोयमा ! अयण्णं जंबुद्दीवे 2 जाव विसेसाहिए परिक्खेवेणं पण्णत्ते, देवे गं महिडिए जाव महाणुभागे एगं महं सविलेवणं गंधसमग्गगं गहाय तं अवद्दालेइ तं अवद्दालेत्ता जाव इणामेव कट्ट केवलकप्पं जंबहीवं 2 तिहि अच्छराणिवाएहि तिसत्तखत्तो अणुपरियट्टित्ता णं हव्वमागच्छेज्जा, से पूर्ण गोयमा ! से केवलकप्पे जंबुद्दीवे 2 तेहि घाणपोग्गलेहिं फुडे ?, हंता ! फुडे, चक्किया णं गोयमा ! केइ तेसि घाणपोग्गलाणं कोलट्टियामायमवि जाव उवदसित्तए ? णो इणठे समठे। से तेणठेणं जाव उवदंसेत्तए // 254 // जीवे णं भंते ! जीवे 2 जीवे ? गोयमा ! जीवे ताव णियमा जीवे जीवेवि णियमा जीवे। जीवे गं भंते ! णेरइए रइए जीवे ? गोयमा ! णेरइए ताव णियमा जीवे जीवे पुण सिय णेरइए सिय अणेरइए / जीवे णं भंते ! असुरकुमारे असुरकुमारे जीवे ? गोयमा ! असुरकुमारे ताव णियमा जीवे जीवे पुण सिय असुरकूमारे सिय णो असुरकूमारे। एवं दंडओ भाणियव्वो जाव वेमाणियाणं / जीवइ भंते ! जीवे जीवे जीवइ ? गोयमा ! जीवइ ताव णियमा जीवे जीवे पुण सिय जीवइ सिय णो जीवइ / जीवइ भंते ! णेरइए 2 जीवइ ? गोयमा! गैरइए ताव णियमा जीवइ 2 पुण सिय गैरइए सिय अणेरइए, एवं दंडओ णेयव्वो जाव वेमाणियाणं / भवसिद्धिए गं भंते ! णेरइए 2 भवसिद्धिए ? गोयमा! भवसिद्धिए सिय गैरइए सिय अणे. रइए णेरइएऽविय सिय भवसिद्धिए सिय अभवसिद्धिए, एवं दंडओ जाव वेमाणियाणं // 255 // अण्णउत्थिया णं भंते ! एवमाइक्खंति जाव परूवेंति एवं खलु सव्वे पाणा भूया जीवा सत्ता एगंतदुक्खं वेयणं वेयंति / से कहमेयं भंते ! एवं ?
