________________ 554 अंग-पविट्ठ सुत्ताणि काइयावाससयसहस्सेसु अण्णयरंसि पुढविकाइयावासंसि पुढविकाइयत्ताए उव. वज्जित्तए से गं भंते ! मंदरस्स पव्वयस्स पुरथिमेणं केवइयं गच्छेज्जा केव. इयं पाउणेज्जा ? गोयमा ! लोयतं गच्छेज्जा लोयंत पाउगिज्जा। से णं भंते ! तत्थगए चेव आहारेज्ज वा परिणामेज्ज वा सरीरं वा बंधेज्जा? गोयमा ! अत्थे. गइए तत्थगए चेव आहारेज्ज वा परिणामेज्ज वा सरीरं वा बंधेज्जा अत्थेगइए तओ पडिणियत्तइ 2 ता इह हव्वमागच्छइ 2 ता दोच्चपि मारणंतियसमुग्धा. एणं समोहण्णइ 2 ता मंदरस्स पव्वयस्स पुरथिमेणं अंगुलस्स असंखेज्जभागमेत्तं वा संखेज्जइभागमेत्तं वा वालग्गं वा वालग्गहत्तं वा एवं लिक्खं जयं जवं अंगलं जाव जोयणकोडि वा जोयणकोडाकोडि वा संखेज्जेस् वा असंखेज्जेस वा जोयणसहस्सेसु लोगते वा एगपएसियं सेढि मोत्तूण असंखेज्जेसु पुढविकाइया. वाससयसहस्सेसु अण्णयरंसि पुढ विकाइयावासंसि पुढविकाइयत्ताए उववज्जेत्ता तओ पच्छा आहारेज्ज वा परिणामेज्ज वा सरीरं वा बंधेज्जा, जहा पुरस्थिमेणं मंदरस्स पव्वयस्स आलावओ भणिओ एवं दाहिणेणं पच्चत्थिमेणं उत्तरेणं उड्ढे अहे, जहा पुढविकाइया तहा एगिदियाणं सव्वेसि, एक्केक्कस्स छ आलावगा भाणियव्वा / जीवे णं भंते ! मारणंतियसमग्घाएणं समोहण्णइ 2 ता जे भविए असंखेज्जेसु बेइंदियावाससयसहस्सेसु अण्णयरंसि बेइंदियावासंसि बेइंदियत्ताए उववज्जित्तए से णं भंते ! तत्थगए चेव ? जहा गैरइया, एवं जाव अणुत्तरोव. वाइया / जीवे णं भंते ! मारणंतियसमुग्घाएणं समोहए 2 जे भविए पंचसु अणुत्तरेसु महइमहालएसु महाविमाणेसु अण्णयरंसि अणुत्तरविमाणंसि अणुत्तरोववाइयदेवत्ताए उववज्जित्तए, से णं भंते ! तत्थगए चेव ? तं चेव जाव आहारेज्ज वा परिणामेज्ज वा सरीरं वा बंधज्जा / सेवं भंते ! 2 त्ति // 244 // ___ छठें सयं सत्तमो उद्देसो अह भंते ! सालीणं वीहीणं गोधूमाणं जवाणं जवजवाणं एएसिणं धण्णाणं कोटाउत्ताणं पल्लाउत्ताणं मंचाउत्ताणं मालाउत्ताणं उल्लित्ताणं लित्ताणं पिहिया मुद्दियाणं लंछियाणं केवइयं कालं जोणी संचिट्ठइ ? गोयमा ! जहणणं अंतोमहत्तं उक्कोसेणं तिण्णि संवच्छराई तेण परं जोणी पमिलायइ तेण परं जोणी पविद्धंसइ तेण परं बीए अबीए भवइ तेण परं जोणीवोच्छेए पण्णत्ते समणाउसो ! / अह भंते ! कलायमसूरतिलमुग्गमासणिप्फावकुलत्थआलिसंदगसईण.
