________________ 552 अंग-पविट्ठ सुत्ताणि पकरेइ णो असुरो णो णागो प० / अत्थि णं भंते ! कण्हराईसु बायरे थणियसद्दे० जहा उराला तहा / अस्थि णं भंते ! कण्हराईसु बायरे आउकाए बायरे अगणि. काए बायरे वणप्फइकाए ? णो इगठे समठे, णणस्थ विग्गहगइसमावण्णएणं। अस्थि णं कण्ह० चंदिमसूरिय 4 ? जो इण० / अस्थि णं कण्ह० चंदाभाइ वा 2 ? णो इणठे समझें। कण्हराईओ गं भंते ! केरिसियाओ वणेणं पग्णत्ताओ ? गोयमा ! कालाओ जाव खिप्पामेव वीईवएज्जा। कण्हराईओ गं भंते ! कइ णामधेज्जा पण्णत्ता ? गोयमा ! अढ णामधेज्जा पण्णत्ता, तंजहा-कण्हराईइ वा मेहराईइ वा मघाइ वा माधवईइ वा वायफलिहाइ वा वायपलिक्खोभाइ वा देवफलिहाइ वा देवपलिक्खोभाइ वा / कण्हराईओं णं भंते ! कि पुढविपरिणामाओ आउपरिणामाओ जीवपरिणामाओ पोग्गलपरि. णामाओ ? गोयमा ! पुढविपरिणामाओ णो आंउपरिणामाओ जीवपरिणा. माओवि पोग्गलपरिणामाओवि / कण्हराईसु णं भंते ! सव्वे पाणा भया जीवा सत्ता० उववण्णव्वा ? ता गोयमा! असई अदुवा अणंतक्खत्तो णो चेवणं बायरआउकाइयत्ताए बायरअगणिकाइयत्ताए वा बायरवणप्फइकाइयत्ताए वा // 241 // एएसि णं अट्ठण्हं कण्हराईणं अट्ठसु उवासंतरेसु अट्ठ लोगतियविमाणा पण्णत्ता, तंजहा-१ अच्ची 2 अच्चिमाली 3 वइरोयणे 4 पभंकरे 5 चंदाभे 6 सूराभे 7 सुक्काभे 8 सुपइट्टाभे 6 मज्झे रिट्राभे / कहि णं भंते ! अच्चि. विमाणे प० ? गोयमा! उत्तर-पुत्थिमेणं / कहि णं भंते ! अच्चिमाली विमाणे पण्णते ? गोयमा ! पुरथिमेणं, एवं परिवाडीए णेयव्वं जाव कहि णं भंते ! रिठे विमाणे पण्णत्ते / गोयमा! बहुमज्झदेसभाए। एएसु णं अनुसु लोगंतिय विमाणेसु अट्टविहा लोगतियदेवा परिवसंति, तंजहा-सारस्सयमाइच्चा वही वरुणा य गद्दतोया य / तुसिया अव्वाबाहा अग्गिच्चा चेव रिट्ठा य // 1 // कहिणं भंते ! सारस्सया देवा परिवसंति ? गोयमा ! अच्चिम्मि विमाणे परिवसंति / कहि णं भंते ! आइच्चा देवा परिवसंति ? गोयमा ! अच्चिमालिम्मि विमाणे, एवं गेयत्वं जहाणुपुटवीए जाव कहि णं भंते ! रिट्ठा देवा परिवसंति ? गोयमा ! रिदम्मि विमाणे। सारस्सयमाइच्चाणं भंते ! देवाणं कइ देवा कइ देवसया पण्णत्ता ? गोयमा! सत्त देवा सत्त देवसया परिवारो पण्णत्तो, वण्हीवरुणाणं देवाणं चउद्दस देवा चउद्दस देवसहस्सा परिवारो पणतो, गद्दतोय तुसियाणं देवाणं सत्त देवा सत्त देवसहस्सा परिवारो पण्णत्तो, अवसेसाणं णव देवा णव
