________________ भगवई स. 6 उ. 5 551 तंजहा-तमेइ वा तमुक्काएइ वा अंधकारेइ वा महंधकारेइ वा लोगंधकारेइ वा लोगतमिसेइ वा देवंधकारेइ वा देवतमिसेइ वा देवरपणेइ वा देववहेइ वा देवफलिहेइ वा देवपडिक्खोभेइ वा अरुणोदएइ वा समुद्दे / तमुक्काए णं भंते ! किं पुढ विपरिणामे आउपरिणामे जीवपरिणामे पोग्गलपरिणामे ? गोयमा ! णो पुढविपरिणामे आउपरिणामेवि जीवपरिणामेवि पोग्गलपरिणामेवि / तमु. क्काए णं भंते ! सव्वे पाणा भया जीवा सत्ता पुढविकाइयत्ताए जाव तसकाइयत्ताए उववण्णपुव्वा ? हंता गोयमा ! असई अदुवा अणंतक्खुत्तो णो चेव णं बायरपुढविकाइयत्ताए बायरअगणिकाइयत्ताए वा // 240 // कइ णं भंते ! कण्हराईओ पण्णत्ताओ ? गोयमा अट्ट कण्हराईओ पण्णत्ताओ। कहि णं भंते ! एयाओ अट्ठ कण्हराईओ पण्णताओ? गोयमा ! उप्पि सणंकुमारमाहिदाणं कप्पाणं हिट्टि बंभलोए कप्पे रिठे विमाणे पत्थडे, एत्थ णं अक्खाडगसमचउरंससंठाणसंठियाओ अटू कण्हराईओ पण्णत्ताओ, तंजहा-पुरस्थिमेणं दो पच्चत्थिमेणं दो दाहिणेणं दो उत्तरेणं दो, पुरस्थिमन्भतरा कण्हराई दाहिणं बाहिरं कण्हराई पुट्ठा दाहिणभंतरा कण्हराई पच्चत्थिमबाहिरं कण्हराई पुट्ठा पच्च. त्थिमभंतरा कण्हराई उत्तरबाहिरं कण्हराई पुट्ठा उसरमभंतरा कण्हराई पुरथिमबाहिरं कण्हराई पुट्ठा, दो पुरथिमपच्चत्थिमाओ बाहिराओ कण्हराईओ छलंसाओ दो उत्तरदाहिणबाहिराओ कण्हराईओ तंसाओ दो पुरथिमपच्चत्थिमाओ अभिंतराओ कण्हराईओ चउरंसाओ दो उत्तरदाहिणओ अभितराओ कण्हराईओ चउरसाओ'पुव्वावरा छलंसा तंसा पुण दाहिणत्तरा बज्झा। अभंतर चउरंसा सव्वावि य कण्हराईओ // 1 // कण्हराईओ णं भंते ! केवइयं आयामेणं केवइयं विक्खंभेणं केवइयं परिक्खेवेणं पण्णत्ताओ? गोयमा ! असंखेज्जाइं जोयणसहस्साइं आयामेणं संखेज्जाइं जोयणसहस्साई विक्खंभेणं असंखेज्जाइं जोयणसहस्साइं परिक्खेवेणं पण्णताओ। कण्हराईओ णं भंते ! केमहालियाओ पण्णत्ताओ ? गोयमा ! अयण्णं जंबुद्दीवे 2 जाव अद्धमासं वीईवएज्जा अत्थेगइयं कण्हराई वीईवएज्जा अत्थेगइयं कण्हराइंणो वीईवएज्जा एमहालियाओ णं गोयमा ! कण्हराईओ पण्णत्ताओ / अस्थि णं भंते ! कण्हराईसु गेहाइ वा गेहावणाइ वा ? णो इणठे समठे। अत्थि णं भंते ! कण्ह. राईसु गामाइ वा० ? णो इणढे समझें / अस्थि णं भंते ! कण्ह० उराला बलाहया संसेयंति 3 ? हंता अस्थि ।तं भंते ! किं देवो प० 3 ? गो. देवो
