________________ भगवई स. 6 उ. 3 545 यव्वा / सेकेणट्ठणं ? गोयमा ! णेरइया तिरिक्ख जोणिया मणुस्सा देवा गइरागई पडुच्च साइया सपज्जवसिया सिद्धा गई पडुच्च साइया अपज्ज. वसिया, भवसिद्धिया लद्धि पडुच्च अणाइया सपज्जवसिया अभवसिद्धिया संसारं पड़च्च अणाइया अपज्जवसिया, से तेणठेणं // 234 // कइ णं भंते ! कम्मप्पयडीओ पण्णत्ताओ ? गोयमा ! अट्ठ कम्मप्पयडीओ प०, तंजहाजाणावरणिज्जं दरिसणावरणिज्जं जाव अंतराइयं / णाणावरणिज्जस्स णं भंते ! कम्मस्स केवइयं कालं बंधठिई 50 ? गोयमा ! जह. अंतोमुहत्तं उक्को. तीसं सागरोवमकोडाकोडीओ तिण्णि य वाससहस्साई अबाहा अबाहूणिया कम्मट्रिई-कम्मणिसेओ, एवं दरिसणावरणिज्जंपि, वेयणिज्जं जह. दो समया उक्को० जहा णाणावरणिज्ज, मोहणिज्जं जह• अंतोमुहुत्तं उक्को० सत्तरिसागरोवमकोडाकोडीओ, सत्त य वाससहस्साणि अबाहा, अबाहूणिया कम्मठिईकम्मणिसेओ, आउयं जहण्णेणं अंतोमुत्तं उक्कोसेणं तेत्तीसं सागरोवमाणि पुवकोडितिभागमभहियाणि, कम्मढिई-कम्मणिसेओ, णामगोयाणं जहणेणं अट्ठ मुहुत्ता उक्कोसेणं वीसं सागरोवमकोडाकोडीओ दोणि य वाससहस्साणि अबाहा, अबाहू णिया कम्मट्टिई-कम्मणिसेओ, अंतराइयं जहा गाणावरणिज्ज // 235 / / णाणावरणिज्जं गं भंते ! कम्मं कि इत्थी बंधइ पुरिसो बंधइ णपुं. सओ बंधइ ?णोइत्थी णोपुरिसो णोणपुंसओ बंधइ ? गोयमा ! इत्यीवि बंधइ पुरिसोवि बंधइ णपुंसओवि बंधइ णोइत्यो णोपुरिसो णोणपुंसओ सिय बंधइ सिय णो बंधइ एवं आउयवज्जाओ सत्त कम्मप्पयडीओ। आउयं णं भंते ! कम्मं कि इत्थी बंधइ पुरिसो बंधइ णपुंसओ बंधइ ? पुच्छा, गोयमा ! इत्थी सिय बंधइ सिय णो बंधइ, एवं तिण्णिवि भाणियव्वा, णोइत्थी णोपुरिसो गोणपुंसओ ण बंधइ / णाणावरणिज्ज णं भंते ! कम्म कि संजए बंधइ अस्संजए बंधइ संजयासंजए बंधइ णोसंजएणोअसंजएणोसंजयासंजए बंधइ ? गोयमा ! संजए सिय बंधइ सिय णो बंधइ अस्संजए बंधइ संजयासंजएवि बंधइ णोसंजएणोअसंजएणो. संजयासंजए ण बंधइ, एवं आउयवज्जाओ सत्तवि / आउए हेढिल्ला तिण्णि भयणाए उवरिल्ले ण बंधइ / णाणावरणिज्ज गं भंते ! कम्मं कि सम्मदिट्ठी बंधइ मिच्छादिठी बंधइ सम्मामिच्छदिट्ठी बंधइ ? गोयमा! सम्मदिट्ठी सिय . बंधइ सिय णो बंधइ मिच्छदिट्ठी बंधइ सम्मामिच्छदिट्ठी बंधइ, एवं आउ.
