________________ 540 अंग-पविट्ठ सुत्ताणि समणे भगवं महावीरे तेणेव उवागच्छंति 2 समणस्स भगवओ महावीरस्स अदूरसामंते ठिच्चा एवं वयासी-से गूणं भंते ! असंखेज्जे लोए अणंता राई. दिया उपज्जिसु वा उप्पज्जति वा उप्पज्जिस्संति वा विर्गाच्छसु वा विगच्छंति वा विगच्छिस्संति वा परिता राइंदिया उपज्जिसु वा 3 विच्छिसु वा 3 ? हंता अज्जो ! असंखेज्जे लोए अणंता राईदिया तं चेव / से केणठेणं जाव विगच्छिस्संति वा ? से णणं भे अज्जो ! पासेणं अरहया पुरिसादाणिएणं सासए लोए बुइए अणाइए अणबदग्गे परित्ते परिवुडे हेट्ठा विच्छिण्णे मज्झे संखिते पि विसाले अहे पलियंकसंठिए मज्झे वरवइरविग्गहिए उप्पि उद्ध. मुइंगाकारसंठिए तेसि च णं सासयंसि लोगसि अगादियंसि अणवदग्गंसि परितंसि परिवुडंसि हेट्ठा विच्छिण्णंसि मज्झे संखितंसि उप्पि विसालंसि अहे पलियंकसंठियंसि मज्झे वरवइरविग्गहियंसि उप्पि उद्धमइंगाकारसंठियंसि अणंता जीवघणा उप्पज्जित्ता 2 णिलीयंति परित्ता जीवघणा उप्पज्जिता 2 णिलीयंति से णणं भए उप्पण्णे विगए परिणए अजीवेहिं लोक्कइ पलोक्कइ, जे लोक्कइ से लोए ? हंता भगवं ! से तेणठेणं अज्जो ! एवं वुच्चइ असंखेज्जे तं चेव / तप्पभियं च णं ते पासावच्चेज्जा थेरा भगवंतो समणं भगवं महावीरं पच्चभिजाणंति सव्वण्णु सव्वदरिसि / तए णं ते थेरा भगवंतो समणं भगवं महावीरं वदंति णमंसंति 2 एवं वयासी-इच्छामि गं भंते ! तुम्भ अंतिए चाउज्जामाओ धम्माओ पंचमहव्वइयं सप्पडिक्कमणं धम्म उवसंप. ज्जित्ता णं विहरित्तए, अहासुहं देवाणुप्पिया ! मा पडिबंधं / तए णं ते पासावच्चिज्जा थेरा भगवंतो जाव चरिमेहि उस्सासणिस्सासेहिं सिद्धा जाव सव्वदुक्खप्पहीणा अत्थेगइया देवा देवलोएसु उववण्णा // 225 // कई विहा णं भंते ! देवलोगा पण्णत्ता ? गोयमा ! चउम्विहा देवलोगा पण्णत्ता, तंजहाभवणवासीवाणमंतरजोइसियवेमाणियभेएणं, भवणवासी दसविहा वाणमंतरा अट्टविहा जोइसिया पंचविहा वेमाणिया दुविहा / गाहा-किमियं रायगिहति य उज्जोए अंधयार समए य / पासंतिवासि पुच्छा राइंदिय देवलोगा.य // 1 // सेवं भंते ! 2 ति // 226 // पंचमं सयं दसमो उद्देसो तेणं कालेणं तेणं समएणं चंपा णामं णयरी जहा पढमिल्लो उद्देसओ
