________________ भगवई स. 3 उ. 6 5 07 हवाई जाणइ पासइ ? हंता ! जाणइ पासइ / से भंते ! कि तहाभावं जाणइ पासइ अण्णहाभावं जा० पा० ? गोयमा ! णो तहाभावं जाणइ पा० अण्णहा. भावं जा० पा० / से केणठेणं भंते ! एवं वुच्चइ णो तहाभावं जा० पा० मण्णहाभावं जाणइ पा० ? गोयमा! तस्स गं एवं भवइ-एवं खलु अहं रायगिहे णयरे समोहए समोहणित्ता वाणारसीए णयरीए रूवाइं जाणामि पासामि, से से दंसणे विवच्चासे भवइ, से तेणठेणं जाव पासइ। अणगारे गं भंते ! भावियप्पा माई मिच्छदिट्ठी जाव रायगिहे णयरे समोहए समोह. णित्ता वाणारसीए णयरीए रूवाइं जाणइ पासइ ? हंता ! जाणइ पासइ। तं चेव जावं तस्स णं एवं भवइ-एवं खलु अहं वाणारसीए णयरीए समोहए 2 रायगिहे णयरे रूबाइं जाणामि पासामि, से से दंसणे विवच्चासे भवइ, से तेणठेणं जाव अण्णहाभावं जाणइ पासइ / अणगारे णं भंते ! भावियप्पा माई मिच्छदिट्ठी वीरियलद्धीए वेउब्वियलद्धोए विभंगणाणलद्धीए वाणारसि गरि रायगिहं च णयरं अंतरा एगं महं जणवयवग्गं समोहए 2 वाणारसिं गरि रायगिहं च णयरं अंतरा एगं महं जणवयवग्गं जाणइ पासइ ? हंता ! नाणइ पासइ / से भंते ! कि तहाभावं जाणइ पासइ अण्णहाभावं जाणइ पा०? गोयमा ! णो तहाभावं जाणइ पासइ अग्णहाभावं जाणइ पासइ / से केणट्ठणं . जाव पासइ ? गोयमा ! तस्स खलु एवं भवइ एस खलु वाणारसी णयरी एस खलु रायगिहे णयरे एस खलु अंतरा एगे महं जणवयवग्गे णो खलु एस महं वीरियलद्धी वेउव्वियलद्धी विभंगणाणलद्धी इड्ढी जुई जसे बले वीरिए पुरिसक्कारपरक्कमे लद्धे पत्ते अभिसमण्णागए, से से दंसणे विवच्चासे भवइ, से तेणठेणं जाव पासइ / अणगारे णं भंते ! भावियप्पा अमाई सम्मदिट्ठी वीरियलद्धीए वेउव्वियलद्धीए ओहिणाणलद्धीए रायगिह णयरं समोहए 2 वाणारसीए णयरीए रूवाई जाणइ पासइ ?हंता ! जा० पा० / से भंते ! किं तहाभावं जाणइ पासइ अण्णहाभावं जाणइ पासइ ? गोयमा ! तहाभावं जाणइ पासइ णो अण्णहाभावं जाणइ पासइ / से केणठेणं भंते ! एवं वुच्चइ ? गोयमा ! तस्स णं एवं भवइ-एवं खलु अहं रायगिहे णयरे समोहए समोहणित्ता वाणारसीए णयरीए रूवाइं जाणामि पासामि, से से सणे अविवच्चासे भवइ, से तेणठेणं गोयमा! एवं वच्चइ, बीओ आलावगो एवं चेव णवरं वाणारसीए णयरीए
