________________ भगवई स. 3 उ. 3 किरिया णं भंते ! पाणाइवायकिरिया कइविहा प० ? मंडियपुत्ता ! दुविहा पण्णत्ता, तंजहा-सहत्थपा० परहत्थपा० किरिया य // 146 // पुत्वि भंते ! किरिया पच्छा वेयणा पुवि वेयणा पच्छा किरिया ? मंडियपुत्ता ! प्रवि किरिया पच्छा वेयणा, णो पुवि वेयणा पच्छा किरिया // 15 // अस्थि णं भंते ! समणाणं णिग्गंथाणं किरिया कज्जइ ? हता! अस्थि / कहं गं भंते ! समणाणं णिगंथाणं किरिया कज्जइ ? मंडियपुता! पमायपच्चया जोगणिमित्तं च, एवं खल समणाणं णिगंथाणं किरिया कज्जइ // 151 // जीवे णं भंते ! सया समियं एयइ वेयइ चलइ फंदइ घट्ट खुभइ उदीरइ तं तं भावं परिणमइ ? हंता ! मंडियपुत्ता ! जीवे णं सया समियं एयइ जावं तं तं भावं परिणमइ / जावं च गं भंते ! से जीवे सया समियं जाव परिणमइ तावं च णं तस्स जीवस्स अंते अंतकिरिया भवइ ? जो इणठे समठे / से केण→णं भंते ! एवं वुच्चइ-जावं च णं से जीवे सया समियं जाव अंते अंतकिरिया ण भवइ ? मंडियपुत्ता ! जावं च णं से जीवे सया समियं जाव परिणमइ तावं च णं से जीवे आरंभइ सारंभइ समारंभइ आरंभे वट्टइ सारंभे वट्टइ समारंभे वट्टइ आरंभमाणे सारंभमाणे समा. रंभमाणे आरंभं वट्टमाणे सारंभे वट्टमाणे समारंभे वट्टमाणे बहूणं पाणाणं भूयाणं जीवाणं सत्ताणं दुक्खावणयाए सोयावणयाए जूरावणयाए तिप्पावणयाए पिट्टावणयाए परियावणयाए वट्टइ / से तेणठेणं मंडियपुत्ता! एवं वुच्चइजावं च णं से जीवे सया समियं एयडू जाव परिणमइ तावं च णं तस्स जीवस्स अंते अंतकिरिया ण भवइ / जीवे णं भंते ! सया समियं णो एयइ जाव णो तं तं भावं परिणमइ ? हा मंडियपुत्ता ! जीवे णं सया समियं जाव णो परिणमइ / जावं च णं भंते ! से जीवे णो एयइ जाव णो तं तं भावं परिणमइ तावं च णं तस्स जीवस्स अंते अंतकिरिया भवइ ? हंता ! जाव भवइ / से केणट्टेणं भंते ! जाव भवइ ? मंडियपुत्ता ! जावं च णं से जीवे सया समियं णो एयइ जाव णो परिणमइ तावं च णं से जीवे णो आरंभइ णो सारंभइ णो समारंभइ णो आरंभे वट्टइ णो सारंभे वट्टइ णो समारंभे वट्टइ अणारंभमाणे असारंभमाणे असमारंभमाणे आरंभे अवट्टमाणे सारंभे अवट्टमाणे समारंभे अवट्टमाणे बहूणं पाणाणं 4 अदुक्खावणयाए जाव अपरियावणयाए
