________________ भगवई स. 3 उ. 2 495 अप्पिड्ढीए खलु भो ! से चमरे असुरिदे असुरराया, तं इच्छामि गं देवाणुप्पिया ! रावक देविदं देवरायं सयमेव अच्चासाइत्तएत्तिकटु उसिणे उसिणम्भूए जाए यावि होत्था / तए णं से चमरे असुरिंदे असुरराया ओहिं पउंजइ 2 ममं ओहिणा आभोएइ 2 इमेयारूवे अज्झथिए जाव समुप्पज्जित्था-एवं खलु समणे भगवं महावीरे जंबुद्दीवे 2 भारहेवासे सुंसुमारपुरे णयरे असोगवणसंडे उज्जाणे असोगवरपायवस्स अहे पुढविसिलावट्टयंसि अट्ठमभत्तं पडिगिण्हित्ता एगराइयं महापडिमं उवसंपज्जित्ता णं विहरइ / तं सेयं खलु मे समणं भगवं महावीरं णीसाए सवक देविदं देवरायं सयमेय अच्चासाइत्तएत्तिकटु एवं संपेहेइ 2 सयणिज्जाओ अब्भुढे 2 ता देवदूसं परिहेइ 2 उववायसभाए पुरत्थिमिल्लेणं दारेणं-णिग्गच्छइ, जेणेव सभा सुहम्मा जेणेव चोप्पाले पहरणकोसे तेणेव उवागच्छइ 2 ता फलिहरयणं परामसइ 2 एगे अबीए फलिहरयणमायाए महया अमरिसं वहमाणे चमरचंचाए रायहाणीए मझंमज्झेणं णिग्गच्छइ 2 जेणेव तिगिच्छिकडे उप्पायपव्वए तेणेव उवागच्छइ 2 ता वेउव्वियसमुग्धाएणं समोहण्णइ 2 तां संखेन्जाइं जोयणाई जाव उत्तरवेउन्वियरूवं विउव्वइ 2 ता ताए उक्किट्ठाए जाव जेणेव पुढविसिलावट्टए जेणेव मम अंतिए तेणेव उवागच्डइ 2 ममं तिक्खुत्तो आयाहिणं पयाहिणं करेइ जाव णमंसित्ता एवं वयासी-इच्छामि णं भंते ! तुम्भं णीसाए सक्कं देविदं देवरायं सयमेव अच्चासाइत्तएत्तिकटु उत्तरपुरथिमं दिसीभागं अवक्कमइ 2 वेउब्वियसमुग्धाएणं समोहष्णइ 2 जाव दोच्चपि वेउव्वियसमुग्घाएणं समोहण्णइ 2 एगं महं घोरं घोरागारं भीमं भीमागारं भासुरं भयाणीयं गंभीरं उत्तासणयं कालरत्तमासरासिसंकासं जोयणसयसाहस्सीयं महाबोंदि विउव्वइ 2 अप्फोडेइ 2 वग्गइ 2 गज्जइ 2 हयहेसियं करेइ 2 हस्थिगलगलाइयं करेइ 2 रहघणघणाइयं करेइ 2 पायदद्दरगं करेइ 2 भूमिचवेडयं दलयइ 2 सीहणादं णदइ 2 उच्छोलेइ 2 पच्छोलेइ 2 तिवई छिदइ 2 वाम भुयं ऊसवेइ 2 दाहिणहत्थपदेसिणीए य अंगुट्ठणहेण य वितिरिच्छमुहं विडंबेइ 2 महया 2 सद्देणं कलकलरवं करेइ, एरो अवीए फलिहरयणमायाए उड्ढं वेहासं उप्पइए, खोभंते चेव अहेलोयं कंपेमाणे च मेयणितलं आकर्टे (साकड्ढे) तेव तिरियलोयं फोडेमाणे व अंबरतलं कत्थइ गज्जते कत्थइ विज्जयायंते कत्थइ वासं वासमाणे गाओ
