________________ भगवई स. 3 उ. 2 491 वजिहिइ ? गोयमा ! महाविदेहे वासे सिज्झिहिइ जाव अंतं करेहिइ / सेवं भंते ! सेवं भंते ! / माहाओ-छट्टममासो, अद्धमासो वासाइं अट्ठ छम्मासा / तीसगकुरुदत्ताणं तवभत्तपरिणपरियामओ // 1 // उच्चत्तविमाणाणं पाउन्भव पेच्छणा य संलावे। किंचि विवादुप्पत्ती सणंकुमारे य भवियव्वं (त) // 2 // मोया समता // तइयं सयं बीओ उद्देसो तेणं कालेणं तेणं समएणं रायगिहे णामं णयरे होत्था जाव परिसा पज्जु. वासइ / तेणं कालेणं तेणं समएणं चमरे असुरिंदे असुरराया चमरचंचाए राय. हाणीए सभाए सुहम्माए चमरंसि सीहासणंति चउसीए सामाणियसाहस्तीहिं जाव णट्टविहि उवदंसेत्ता जामेव दिसि पाउलए तामेव दिसि पडिगए। भंतेत्ति! भगवं गोयमे समणं भगवं महावीरं वंदइ णमंसइ 2 एवं वयासी-अत्थि णं भंते ! इमीसे रयणप्पभाए पुढवीए अहे असुरकुमारा देवा परिवसंति ? गोयमा! णो इणढे समठे, एवं जाव अहेसत्तमाए पुढवीए, सोहम्मस्स कप्पस्स अहे जाव अस्थि णं भंते ! ईसिपब्भाराए पुढवीए अहे असुरकुमारा देवा परिवसंति ? णो इणठे समठे / से कहिं खाइ णं भंते ! असुरकुमारा देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए, एवं असुरकुमारदेववत्तव्वया जाव दिव्वाइं भोगभोगाई भुजमाणा विहरति / अस्थि णं भंते ! असुरकुमाराणं देवाणं अहे गइविसए ? हंता अत्थि / केवइयं च णं फ्भू ! ते असुरकुनाराणं देवाणं अहे गइविसए पण्णते ? गोयमा ! जाव अहेसतमाए पुढवीए तच्वं पुण पुढवि गया य गमिस्संति य / कि पत्तियगं भंते ! असुरकुमारा देवा तच्चं पुढवि गया य गमिस्संति य? गोयमा ! पुववेरियस्स वा वेदणउदीरणयाए पुथ्वसंगइयस्स वा वेदगउवसामणयाए, एवं खलु असुरकुमारा देवा तच्चं पुढवि गया य गमिस्संति य / अत्थि णं भंते ! असुरकुमाराणं देवाणं तिरियं गइविसए पण्णते ? हंता अस्थि / केवइयं च णं भंते ! असुरकुमाराणं देवाणं तिरियं गइविसए पण्णते ? गोयमा ! जाव असंवेज्जा दीवसमुद्दा णंदिस्सरवरं पुण दीवं गया य गमिस्संति य। कि पत्तियण्णं भंते ! असुरकुमारा देवा गंदिस्सरवरदीवं गया य गमिस्संति य? गोयना / जे इमे अरिहंता भगवंता एएसि णं जम्मणमहेसु वा णिक्खमण. महेसु वा णाणुप्पायमहिमासु वा परिणिव्वाणमहिमासु वा, एवं खलु असुर
