________________ 490 अगं-पविटु सुत्ताणि हंता पभू / से भंते ! कि आढायमाणे पभू अणाढायमाणे पभू ? गोयमा ! आढायमाणेवि पभू अणाढायमाणेवि पम् / पभू णं भंते ! सक्के देवि देवराया ईसाणं देविदं देवरायं सपक्खि सपडिदिसि समभिलोइत्तए ? जहा पाउब्भवणा तहा दोवि आलावगा णेयव्वा / पभू पं भंते ! सक्के देविदे देवराया ईसाणणं देविदेणं देवरण्णा सद्धि आलावं वा संलावं वा करेत्तए ? हंता ! पभू जहा पाउन्भवा / अत्थि पं मंते ! तेसि सक्कोसापाणं देविदाणं देवराईणं किच्चाई करणिज्जाइं समुप्पज्जति ? हंता ! अत्थि / रो कहमियाणि पकरेंति ? गोयमा ! ताहे चेव णं से सक्के देविदे देवराया ईसाणस्स देविदस्स देवरणो अंतियं पाउभवइ, ईसाणे वा देवि देवरामा सक्कस्स देविदस्स देवरण्णो अंतियं पाउन्भवइ, इति भो ! सक्का देविदा देवराया दाहिणड्डलोगाहिवई ! इति भो ! ईसाणा देविदा देवराया उत्तरडलोगाहिनई ! इति भो! 2 त्ति ते अण्णमण्णस्स किच्चाई करणिज्जाइं पच्चणुब्भवमाणा विहरंति // 138 // अत्थि णं भंते ! तेसि सक्कीसाणाणं देविदाणं देवराईणं विवादा समप्पज्जंति ? हंता ! अत्थि। से कहमियाणि पकरेंति ? गोयमा ! ताहे चेव णं ते सक्कीसाणा देविदा देवरायाणो सणंकुमारं देविदं देवरायं मणसीकरेंति, तए णं से सणंकुमारे देविदे देवराया तेहिं सक्कीसाणेहि देविदेहि देवराईहिं मणसीकए समाणे खिप्पामेव सक्कीसाणाणं देविदाणं देवराईणं अंतियं पाउब्भवइ, जं से वयइ तस्स आणा. उववायवयणणिद्देसे चिठ्ठति // 136 // सणंकुमारे णं भंते ! देविदे देवराया किं भवसिद्धिए अभवसिद्धिए सम्मद्दिट्ठी मिच्छदिट्ठी परित्तसंसारए अणंत. संसारए सुलभबोहिए दुल्लमबोहिए आराहए विराहए चरिमे अचरिमे ? गोयमा ! सणंकुमारे णं देविदे देवराया भवसिद्धिए णो अभवसिद्धिए, एवं सम्मद्दिट्ठी परित्तसंसारए सुलभबोहिए आराहए चरिमे पसत्थं णेथव्वं / से केणठेणं भंते ! ? गोयमा ! सणंकुमारे देविदे देवराया बहूणं समणाणं बहूणं समणीणं बहूणं साबयाणं बहूणं सावियाणं हियकामए सुहफामए पत्थकामए आणुकंपिए णिस्सेयसिए हियसुहणिस्सेसकामए, से तेणठेणं गोयमा ! सणंकुमारे णं भवसिद्धिए जाव णो अचरिमे / सणंकुमारस्स णं भंते ! देविदस्स देवरगणो केवइयं कालं ठिई पण्णत्ता ? गोयमा ! सत्त सागरोवमाणि ठिई पण्णत्ता / से णं भंते ! ताओ देवलोगाओ आउवखएणं जाव कहिं उव.
