________________ बिइये सुयक्खंधे पिंडेसणा णाम पढमं अज्झयणं से भिक्खू वा, भिक्खुणी वा, गाहावइकुलं पिंडवायपडियाए अणुपविढे समाणे, से जं पुणजाणेज्जा असणं वा पाणं वा खाइमं वा साइमं वा पाणेहिं वा पणएहिं वा बीएहिं वा, हरिए हिं वा, संसत्तं, उम्मिस्सं, सीओदएण वा ओसित्तं, रयसा वा परिघासियं, तहप्पगारं असणं वा पाणं वा खाइमं वा साइमं वा, परहत्थंसि वा परपायंसि वा, अफासुयं अणेसणिजंति मण्णमाणे लाभेवि संते णो पडिगाहेज्जा // 529 / / से य आहन पडिग्गाहिए सिया से तं आयाय एगंतमवक्कमेजा, एगंतमवक्कमित्ता अहे आरामंसि वा अहे उवस्सयंसि वा, अप्पंडे-अप्पपाणे-अप्पबीए, अप्पहरिए, अप्पोसे अप्पोदए, अप्पुत्तिंग-पणग-दग-मट्टियमक्कडासंताणए विगिंचिय विगिंचिय उम्मीसं विसोहिय विसोहिय तओ संजयामेव भुजिज्ज वा, पीइज्ज वा, जं च णो संचाइज्जा भोत्तए वा पायए वा, से तमायाय एगंतमवक्कमिज्जा, एगंतमवक्कमित्ता, अहे म्झामथंडिलंसि वा, अहिरासिंसि वा, किट्टरासिंसि वा, तुसरासिंसि वा, गोमयरासिंसि वा अण्णयरंसि वा तहप्पगारंसि थंडिलंसि पडिले हिय 2 पमन्जिय 2 तओ संजयामेव परिविज्जा // 530 // से भिक्खू वा, भिक्खुणी वा गाहावइकुलं पिंडवायपडियाए अणुपविढे समाणे, से जाओ पुण ओसहीओ जाणेज्जा कसिणाओ सासिआओ अविदलकडाओ अतिरिच्छच्छिण्णाओ, अव्वोच्छिण्णाओ तरुणियं वा छिवाडिं अणभिक्कंतभन्जिय पेहाए, अफासुयं अणेसणिज्जति मण्णमाणे लाभे संते णो पडिगाहिज्जा / / 531 // से भिक्खू वा, भिक्खुणी वा, जाव पविढे समाणे से जाओ पुण ओसहीओ जाणेज्जा, अकसिणाओ असासियाओ, विदलकडाओ, तिरिच्छच्छिण्णाओ, वोच्छिण्णाओ, तरुणिअं वा छिवाडि अभिकंतं भज्जियं पेहाए फासुयं एसणिज्जंति मण्णमाणे लाभे संते पडिगाहेजा // 532 / / से भिक्खू वा भिक्खुणी वा जाव पविढे समाणे से जं पुण जाणेज्जा, पिहुयं वा बहुरयं वा, भुज्जियं वा, मंथु वा, चाउलं वा, चाउलपलंच वा, सई संभज्जियं, अफासुर्य अणेसणिज्जति मण्णमाणे लाभे संते णो पडिगाहिज्जा // 533 / / से भिक्खू वा, भिक्खुणी वा, जाव पविढे समाणे . से जं पुण जाणिज्जा, पिहुयं वा जाव चाउलपलंब वा असई भजियं दुक्खुत्तो वा भज्जिय तिक्खुत्तो वा भन्जिय फासुयं एसणिज्जं जाव लाभे संते पडिगाहिज्जा // 534 // से भिक्खू वा भिक्खुणी वा, गाहावइकुलं जाव पविसिउकामे णो अण्णउत्थिएण वा
