________________ अंग-पविट्ठ सुत्ताणि अणंतेहिं रइयभवग्गहहिं अप्पाणं संजोएइ तिरियमणुदेव० अणाइयं च णं अणवयग्गं दीहमद्धं चाउरंतसंसारकंतारं अणुपरियट्टइ, सेत्तं मरमाणे वड्डइ 2, सेत्तं बालमरणे / से कि तं पंडियमरणे ? 2 दुविहे प०, तं० पाओवगमणे य भत्तपच्चवखाणे य / से किं तं पाओवगमणे ? 2 दुविहे प०, तं०-णीहारिमे य अणीहारिमे य णियमा अप्पडिक्कमे, सेत्तं पाओवगमणे / से किं तं भत्तपच्चक्खाणे ? 2 दुविहे प०, तं०-णीहारिमे य अणीहारिमे य णियमा सपडियकमे, सेत्तं भत्तपच्चक्खाणे / इच्चेएणं खंदया ! दुविहेणं पंडियमरणेणं मरमाणे जोवे अणंतेहि णेरइयभवग्गहणेहि अप्पाणं विसंजोएइ जाव वीईवयइ, सेत्तं मरमाणे हायइ, सेत्तं पंडियमरणे / इच्चेएणं खंदया! दुविहेणं मरणेणं मरमाणे जीवे वड्डइ वा हायइ वा // 10 // एत्थ णं से खंदए कच्चायणस्सगोत्ते संबद्ध समणं भगवं महावीरं वंदइ णमंसइ 2 एवं वयासो-इच्छामि णं भंते ! तुभं अंतिए केवलिपण्णतं धम्मं णिसामेत्तए / अहासुहं देवाणुप्पिया ! मा पडिबंधं / तए णं समणे भगवं महावीरे खंदयस्स कच्चायणस्सगोत्तस्स तीसे य महइमहालियाए परिसाए धम्म परिकहेइ, धम्मकहा भाणियव्वा / तए णं से खंदए कच्चायणस्सगोत्ते समणस्स भगवओ महावीरस्स,अंतिए धम्म सोच्चा णिसम्म हद्वतुढे जाव हियए उट्ठाए उठेइ 2 समणं भगवं महावीरं तिक्खुत्तो आया. हिणं पयाहिणं करेइ 2 एवं वयासी-सहहामि गं भंते ! णिग्गंथं पावयणं, पत्तियामि णं भंते ! णिग्गंथं पाबयणं, रोएमि णं भंते ! णिग्गंथं पावयणं, अब्भठेमि णं भंते ! णिग्गंथं पा०, एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छियपडिच्छियमेयं भंते ! से जहेयं तुन्भे वदहत्ति कटु समणं भगवं महावीरं वंदइ णमंसइ 2 उत्तरपुरस्थिमं दिसीभायं अवक्कमइ 2 तिदंडं च कुंडियं च जाव धाउरत्ताओ य एगंते एडेइ 2 जेणेव समणे भगवं महावीरे तेणेव उवागच्छइ 2 समणं भगवं महावीरं तिक्खुत्तो आयाहिणं पयाहिणं करेइ करेइत्ता जाव णमंसित्ता एवं वयासी-आलित्ते गं भंते ! लोए पलित्ते णं भंते ! लोए आ० प० भं० लो० जरामरणेण य, से जहाणामए-केइ गाहावई आगारंसि झियायमाणंसि जे से तत्थ भंडे भवइ अप्पभारे मोल्लगरुए तं गहाय आयाए एगंतमंतं अवक्कमइ, एस मे णित्थारिए समाणे पच्छा पुरा हियाए सुहाए खमाए णिस्सेयसाए आणुगामियत्ताए भविस्सइ, एवामेव देवाणुप्पिया ! मज्झवि आया एगे भंडे
