________________ 444 अंग-पविटु सुत्ताणि तल्लेसे तदज्झवसिए तत्तिव्वज्झवसाणे तदट्ठोवउत्ते तदप्पियकरणे तब्भावणाभाविए एयंसि णं अंतरंसि कालं करे० देवलो० उव०, से तेणठेणं गोयमा ! / जीवे णं भंते ! गभगए समाणे उत्ताणए वा पासिल्लए वा अंबखुज्जए वा अच्छेज्ज वा चिटुंज्ज वा णिसीएज्ज वा तुयष्टेज्ज वा माऊए सुयमाणीए सुवइ जागरमागीए जागरइ सुहियाए सुहिए भवइ दुहियाए दुहिए भवइ ? हंता गोयमा ! जीवे णं गभगए समाणे जाव दुहियाए दुहिए भवइ / अहे णं पसवणकालसमयंसि सीसेण वा पाएहि वा आगच्छइ सममागच्छइ तिरियमागच्छइ विणिहायमावज्जइ। वण्णवज्झाणि य से कम्माई बद्धाई पुट्ठाई णिहत्ताई कडाई पट्टवियाइं अभिणिविट्ठाई अभिसमण्णागयाई उदिण्णाई णो उवसंताई भवंति तओ भवइ दुरूवे दुवष्णे दुग्गंधे दुरसे दुप्फाले अगिट्टे अकंते अप्पिए असुभे अमणुण्णे अमणाने हीणस्सरे दीणरसरे अणिट्ठस्सरे अकंतस्सरे अप्पियसरे असुभस्सरे अमणुण्णस्सरे अमणामस्तरे अणाएज्जवयगे पच्चायाए यावि भवइ वष्णवज्झाणि य से कम्माई णो बद्धाइं पसत्थं णेयव्वं जाव आदेज्जवयणे पच्चायाए यावि भवइ / सेवं भंते ! सेवं भंते ! त्ति // 62 // पढम सयं अट्ठमो उद्देसो रायगिहे समोसरणं जाव एवं वयासी-एगंतबाले णं भंते ! मणूसे कि णेरइयाउयं पकरेइ तिरिक्ख० मगु० देवा० पक०? गैरइयाउयं किच्चा णेरइएसु उव० तिरियाउयं कि तिरिएसु उवव०मणस्साउयं किच्चा मणस्से० उव०देवाउ०कि० देवलोएसु उववज्जइ? गोयमा ! एगंतबाले णं मणुस्से मेरइयाउयंपि पकरेइ तिरि० मणु देवाउयंपि पकरेइ णेरइयाउयंपि किच्चा णेरइएसु उव० तिरि० मणु० देवाउयं किच्चा तिरि० मणु० देवलोएसु उववज्जइ // 63 // एगंतपंडिए णं भंते ! मणुस्से कि णेर० पकरेइ जाव देवाउयं किच्चा देवलोएसु उवव० ? गोयमा! एगंतपंडिए गं मगुस्से आउयं सिय पकरेइ सिय णो पकरेइ,जइ पकरेइ णो णे रइया० पकरेइ णो तिरि०णो मणु०, देवाउयं पकरेइ / णो णेरइयाउयं किच्चा णेर० उव० णो तिरि० णो मणुस्स०, देवाउयं किच्चा देवेसु उव० ।से केणठेणं जाव देवा० किच्चा देवेसु उववज्जइ ? गोयमा ! एगंतपंडियस्स णं मणुस्सस्स केवलमेव दो गईओ पण्णायंति, तंजहा-अंतकिरिया चेव कप्पोववत्तिया चेव,
