________________ भगवई स. 1 उ. 7 443 भभिक्खणं उस्ससइ अभिक्खणं णिस्ससइ आहच्च आहारेइ आहच्च परिणामेइ भाहच्च उस्संसइ आहच्च णीससइ / माउजीवरसहरणी पुत्तजीवरसहरणी माउजीवपडिबद्धा पुत्तजीवं फुडा तम्हा आहारेइ तम्हा परिणामेइ, अवरावि य गं पुत्तजीवपडिबद्धा माउजीवफुडा तम्हा चिणाइ तम्हा उवचिणाइ से तेणट्टेणं० नाव णो पभू मुहेणं कावलियं आहारं आहारित्तए / कइ णं भंते ! माइयंगा प० ? गोयमा ! तओ माइयंगा प०, तंजहा-मसे सोणिए मत्थुलुंगे / कइ णं भंते ! पिइयंगा प० ? गोयमा ! तओ पिइयंगा प०, तंजहा-अद्वि अदिमिजा केसमंसुरोमणहे / अम्मापिइए णं भंते ! सरीरए केवइयं कालं संचिइ? गोयमा ! जावइयं से कालं भवधारणिज्जे सरीरए अव्वावण्णे भवइ एवतियं कालं संचिटुइ, अहे गं समए-समए वोक्कसिज्जमाणे 2 चरमकालसमयंसि वोच्छिण्णे भवइ // 61 // जीवे णं भंते !. गभगए समाणे णेरइएसु उववज्जेज्जा ? गोयमा ! अत्थेगइए उववज्जेज्जा अत्थेगइए णो उववज्जेज्जा / से केणठेणं ? गोयमा ! से णं सण्णी पंचिदिए सव्वाहि पज्जतीहि पज्जत्तए वीरियलद्धीए वेउव्वियलद्धोए पराणीएणं आगयं सोचा णिसम्म पएसे णिच्छभइ णि० 2 वेउब्वियसमग्याएणं समोहणइ समो० 2 चाउरंगिणि सेण्णं विउव्वइ चाउरंगिणीसेणं विउव्वेता चाउरंगिणीए सेणाए पराणीएणं सद्धि संगाम संगामेइ, से णं जीवे अत्थकामए रज्जकामए भोगकामए कामकामए अत्थकंखिए रज्जकंखिए भोगकंखिए कामकंखिए अत्थपिवासिए रज्जपिवासिए भोगपिवासिए कामपिवासिए तच्चित्ते तम्मणे तल्लेसे तदज्झवसिए तत्तिव्वजमवसाणे तोवउत्ते तदप्पियकरणे तब्भावणाभाविए, एयंसि णं अंतरंसि कालं करेज्ज गैरइएसु उववज्जइ, से तेणढेणं गोयमा ! जाव अत्थेगइए उववज्जेज्जा अत्थेगइए णो उववज्जेज्जा / जीवे णं भंते ! गब्भगए समाणे देवलोगेसु उववज्जेज्जा? गोयमा ! अत्यगइए उववज्जेज्जा अत्थेगइए णो उववज्जेज्जा / से केण→णं ? गोयमा ! से णं सण्णी पंचिदिए सव्वाहि पज्जतीहि पज्जत्तए तहारूवस्स समणस्स वा माहणस्स वा अंतिए एगमवि आरियं धम्मियं सुवयणं सोच्चा णिसम्म तओ भवइ संवेगजायसड्ढे तिव्वधम्माणुरागरत्ते, से णं जीवे धम्मकामए पुण्णकामए सग्गकामए मोक्खकामए धम्मकंखिए पुण्णकंखिए सग्गमोक्खक० धम्मपिवासिए पुण्णसग्गमोक्खपिवासिए तच्चित्ते तम्मणे
