________________ 440 अंग-पविटु सुत्ताणि सत्तमे तणुवाए पच्छा सत्तमे घणवाए ? एयंपि तहेव णेयव्वं जाव सव्वद्धा, एवं उवरिल्लं एक्केक्कं संजोयंतेणं जो जो हिद्विल्लो तं तं छडुतेणं णेयव्वं जाव अईयअणागयता पच्छा सव्वद्धा जाव अणाणपुव्वी एसा रोहा ! सेवं भंते ! सेवं भंते ! ति जाव विहरइ // 53 // भंते त्ति ! भगवं गोयमे समणं जाव एवं वयासी-कइविहा णं भंते ! लोयट्टिई प० ? गोयमा! अट्ठविहा लोयट्टिई 50, तंजहा-आगासपइट्ठिए वाए 1 वायपइ ट्ठिए उदही 2 उदहीपइट्ठिया पुढवी 3 पुढविपइट्ठिया तसा थावरा पाणा 4 अजीवा जीवपइट्टिया 5 जीवा कम्मपइट्ठिया 6 अजीवा जीवसंगहिया 7 जीवा कम्मसंगहिया 8 / से केपट्टेणं भंते ! एवं वच्चइ ?-अविहा जाव जीवा कम्मसंगहिया ? गोयमा ! से जहाणामए केइ पुरिसे वत्थिमाडोवेइ वत्थिमाडोवित्ता उप्पि सितं बंधइ 2 मज्झेणं गठि बंधइ 2 उवरिल्लं गंठि मुयइ 2 उवरिल्लं देसं वामेइ 2 उवरिल्लं देसं वामेत्ता उवरिल्लं देसं आउयायस्स पूरेइ 2 उपि सितं बंधइ 2 मज्झिल्लं गंठिं मुयइ / से णूणं गोयमा ! से आउयाए तस्स वाउयायस्स उप्पि उवरिमतले चिट्ठइ ? हंता चिट्ठइ, से तेणट्टेणं जाव जीवा कम्मसंगहिया, से जहा वा केइ पुरिसे वत्थिमाडोवेइ 2 कडीए बंधइ 2 अत्थाहमतारमपोर. सियंसि उदगंसि ओगाहेज्जा, से जूणं गोयमा ! से पुरिसे तस्स आउयायस्स उवरिमतले चिट्ठइ ? हंता चिट्टइ, एवं वा अट्टविहा लोयट्टिई पण्णता जाव जीवा कम्मसंगहिया // 54 // अत्यि णं भंते ! जीवा य पोग्गला य अण्णमण्णबद्धा अण्णमण्णपुट्ठा अण्णमण्णमोगाढा अण्णमण्णसिणेहपडिबद्धा अण्णमण्णघडताए चिट्ठति ? हंता ! अत्थि / से केणठेणं भंते ! जाव चिट्ठति ? गोयमा ! से जहाणामए-हरदे सिया पुण्णे पुण्णप्पमाणे वोलट्टमाणे वोसट्टमाणे समभरघडताए चिट्ठइ, अहे णं केइ पुरिसे तंसि हरदंसि एगं महं णावं सयासवं सयछिडं ओगाहेज्जा, से गूणं गोयमा ! सा णावा तेहिं आसवदारेहिं आपूरमाणी 2 पुण्णा पुण्णप्पमाणा वोलट्टमाणा वोसट्टमाणा समभरघडताए चिट्ठइ? हंता चिइ / से तेणठेणं गोयमा ! अस्थि णं जीवा य जाव चिट्ठति // 55 // अत्थि णं भंते ! सया समियं सुहुमे सिणेहकाए पवडइ ? हंता अस्थि / से भंते ! कि उड्ढे पवडइ अहे पवडइ तिरिए पवडइ ? गोयमा ! उड्ढेवि पवडइ अहेवि पवडइ तिरिएवि पवडइ / जहा से बायरे आउयाए अण्णमण्णसमाउत्ते
