________________ 436 अगं पविट्ट सुत्ताणि ओगाहणा, असंखेज्जपएसाहियाए जहणियाए ओगाहणाए वट्टमाणाणं तप्पाउग्गुक्कोसियाए ओगाहणाए वट्टमाणाणं णेरइयाणं दोसुवि सत्तावीसं भंगा / इमीसे णं भंते ! रयण जाव एगमेगसि गिरयावासंसिणेरइयाणं कइ सरीरया पण्णता? गोयमा! तिण्णि सरीरया पण्णत्ता, तंजहा-वेउन्विए तेयए कम्मए / इमीसे गं भंते ! जाव वेउव्वियसरीरे वट्टमाणा णेरइया कि कोहोवउत्ता ? सत्तावीसं भंगा भाणियब्वा, एएणं गमएणं तिण्णि सरीरा भाणियन्वा। इमीसे णं भंते ! रयणप्पभाए पुढवीए जाव णेरइयाणं सरीरया कि संघयणी पण्णता? गोयमा ! छण्ह संघयणाणं अस्संघयणी, णेवट्ठी व छिरा णेव हारूणि जे पोग्गला अणिट्ठा अकंता अप्पिया असुहा अमणुण्णा अमणामा, एएसि सरीरसंघायत्ताए परिणमंति / इमीसे णं भंते ! जाव छण्हं संघयणाणं असंघयणे वट्टमाणाणं णेरइया कि कोहोवउत्ता? सत्तावीसं भंगा / इमीसे गं भंते ! रयणप्पभा जाव सरीरिया किंसंठिया पण्णत्ता ? गोयमा ! दुविहा पण्णता, तंजहा-भवधारणिज्जा य उत्तरविउव्विया य, तत्थ णं जे ते भवधारणिज्जा ते हंडसंठिया पण्णत्ता, तत्थ णं जे ते उत्तरवेउव्विया तेवि हुंडसंठिया पग्णत्ता / इमोसे गं जाव हुंडसंठाणे वट्टमाणा णेरइया कि कोहोवउत्ता? सत्तावीसं भंगा / इमीसे णं भंते ! रयणप्पभाए पुढवीए रइयाणं कइ लेस्साओ पण्णत्ता ? गोयमा ! एगा काउलेस्सा पण्णत्ता / इमोसे णं भंते ! रयणप्पभाए जाव काउलेस्साए वट्टमाणा सत्तावीसं भंगा // 45 // इमीसे णं जाव किं सम्मदिट्ठी मिच्छादिट्ठी सम्मामिच्छादिट्ठी ? तिण्णिवि / इमीसे णं जाव सम्मइंसणे वट्टमाणा णेरइया सत्तावीसं भंगा, एवं मिच्छादसणेवि। सम्मामिच्छादसणे असोइ भंगा। इमीसे णं भंते ! जाव कि णाणी अण्णाणी ? गोयमा ! णाणीवि अण्णाणीवि तिण्णि णाणाई णियमा, तिण्णि अण्णाणाई भयणाए / इमोसे णं भंते ! जाव आभिणिबोहियणाणे वट्टमाणा सत्तावीसं भंगा, एवं तिण्णि णाणाई तिण्णि अण्णाणाई भाणियव्वाइं। इमीसे पंजाव किं मणजोगी वइजोगी कायजोगी ? तिण्णिवि। इमीसे णं जाव मणजोए वट्टमाणा कोहोवउत्ता ? सत्तावीसं भंगा। एवं वइजोए एवं कायजोए / इमीसे णं जाव णेरइया कि सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि / इमीसे णं जाव सागारोवओगे वट्टमाणा कि कोहोवउत्ता ? सत्तावीसं भंगा / एवं अणागारोवउ
