________________ समवाओ-गणिपिडग-उवासग०अंतगड० 397 धम्मकहासुणं परित्ता वायणा संखेज्जा अणुओगदारा जाव संखेज्जाओ संगहणीओ। से णं अंगठ्ठयाए छठे अंगे दो सुयक्खंधा एगूणवीसं अज्झयणा, ते समासओ दुविहा पण्णत्ता, तं जहा-चरिता य कप्पिया य, दस धम्मकहाणं वग्गा, तत्थ णं एगमेगाए धम्मकहाए पंच पंच अक्खाइयासयाई एगमेगाए अक्खाइयाए पंच. पंच उवक्वाइयासयाई, एगमेगाए उवक्खाइयाए पंच-पंच अक्खाइयउबक्खाइयासयाई, एवमेव सपुवावरेणं अछुट्टाओ अक्खाइयकोडीओ भवंतीति मक्खायाओ, एगूणतीसं उद्देसणकाला एगूणतीसं समुद्देसणकाला संखेज्जाइं पयसहस्साई पयग्गेणं पण्णत्ता, संखेज्जा अक्खरा नाव चरणकरणपरूवणया आघविज्जति / से त णायाधम्मकहाओ // 141 // से किं तं उवासगदसाओ ? उवासगदसासु णं उवामयाणं णगराई उज्जाणाई चेइयाई वणसंडा रायाणो अम्मापियरो समोसरणाई धम्मायरिया धम्मकहाओ इहलोइयपरलोइयइविविसेसा उवासयाणं सीलव्वयवेर. मणगुणपश्चात्राणपोसहोववासपडिवजणयाओ सुयपरिग्गहा तवोवहाणा पडिमाओ उसग्गा संलेहणाओ भत्तपञ्चक्खाणाई पाओवगमणाई देवलोगगमणाई सुकुलपञ्चा. याया पुणो बोहिलाभा अंतकिरियाओ य आघविज्जति / उवासगदसासु णं उवा. सयाणं रिद्धिविसेसा परिसा वित्थरधम्मसवणाणि बोहिलाभअभिगमसम्मत्तविसुद्धया थिरत्तं मूलगुण उत्तरगुणाइयारा ठिईविसेसा य बहुविसेसा पडिमाभिग्गहग्गहणपालणा उवसग्गाहियासणा णिरुवसग्गा य तवा य विचित्ता सीलवयगुणवेरमणपच्चक्खाणपोसहोववासा अपच्छिम्मारणंतिया य संलेहणाझोसणाहिं अप्पाणं जह य भावइत्ता बहाणि भत्ताणि अणसणाए य छेयइत्ता उक्वण्णा कप्पवरविमाणुत्तमेसु जह अणु. भवंति सुरवरविमाणवरपोंडरीएसु सोक्खाई अणोवमाइं कमेण भुत्तूण उत्तमाई तओ आउक्वएणं चुया समाणा जह जिणमयंमि बोहिं लभ्रूण य संजमुत्तमं तमरयोघविप्पमुक्का उवेंति जह अक्खयं सव्वदुक्खमोक्खं / एए अण्णे य एवमाइअत्था वित्थरेण य / उवासयदसासु णं परित्ता वायणा संखेज्जा अणुओगदारा जाव संखे. ज्जाओ संगहणीओ / सेणं अंगठ्ठयाए सत्तमें अंगे एगे सुयक्खंधे दस अज्झयणा दस उद्देसणकाला दससमुहेसणकाला संखेज्जाइं पयसयसहस्साइं पयग्गेणं पण्णत्ता / संखेज्जाइं अक्वराई जाव एवं चरणकरणपरूवणया आघविज्ति / से तं उवासगदसाओ // 142 // से किं तं अंतगडदसाओ ? अंतगडदसासु णं अंतगडाणं णगराई
