Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 409

396 अंग-पविट्ट सुत्ताणि गारपगडपयासियाणं लोगालोगपयासियाणं संसारसमुद्रुंदउत्तरणसमत्थाणं सुरवइ. संपूजियाणं भवियजणपयहिययाभिणंदियाणं तमरयविद्धंसणाणं सुदिट्ठदीवभूयईहामइबुद्धिवद्धणाणं छत्तीससहस्समणूणयाणं वागरणाणं दंसणाओ सुयत्थबहुविहप्पगारा सीसहियत्था य गुणहत्था / वियाहस्स णं परित्ता वायणा संखेन्जा अणुओगदारा संखेजाओ पडिवत्तीओ संखेजा वेढा संखेजा सिलोगां संखेजाओ णिज्जुत्तीओ। सेणं अंगट्टयाए पंचमे अंगे एगे सुयक्खंधे एगे साइरेगे अज्झयणसए दस उद्देसगसहस्साई दस समुद्देसगसहस्साइं छत्तीसं वागरणसहस्साइं चउरासीई पयसहस्साइं पयग्गेणं प०। संखेजाई अक्खराइं अणंता गमा अणंता पन्जवा परित्ता तसा अणंता थावरा सासया कडा णिबद्धा णिकाइया जिणपणेत्ता भावा आघविज्जति पण्णविजंति परूविजंति दंसिजति णिदंसिज्जति उवदंसिर्जति / से एवं आया से एवं णाया से एवं विणाया एवं चरणकरणपरूवणया आघविजंति। से त्तं वियाहे / 140 / से कितं णायाधम्मकहाओ? णायाधम्मकहासु णं णायाणं णगराई उजाणाई चेइयाई वणसंडा रायाणो अम्मापियरो समोसरणाई धम्मायरिया धम्मकहाओ इहलोइयपरलोइयइडीविसेसा भोगपरिच्चाया पवजाओ सुयपरिग्गहा तवोवहाणाइं परियाया संलेहणाओ भत्तपच्चक्खाणाइं पाओवगमणाई देवलोगगमणाई सुकुलपच्चायायाइं पुणबोहिलाभा अंतकिरियाओ य आघविजंति जाव णायाधम्मकहासु णं पव्वइयाणं विणयकरणजिणसामिसासणवरे संजमपइण्णपालणधिइमइववसायदुब्बलाणं तवणि यमतवोवहाणरणदुद्धरभरभग्गयणिस्सहयणि सिट्ठाणं घोरपरीसहपराजियाणं सहपारद्धरुद्ध सिद्धालयमग्गणिग्गयाणं विसयसुहतुच्छआसावसदोसमुच्छियाणं विराहियचरित्तणाणदंसणजइगुणविविहप्पयारणिस्सारसुण्णयाणं संसार अपारदुक्खदुग्गइभव विविहपरंपरापवंचा / धीराण य जियपरिसहकसायसेण्णधिइधणियसंजमउच्छाह णिच्छियाणं आराहियणाणदंसणचरित्तजोगणिस्सलसुद्धसिद्धालयमग्गमभिमुहाणं सुरभवणविमाणसुक्खाई अणोवमाइं भुत्तूण चिरं च भोगभोगाणि तागि दिव्वाणि महरिहाणि तओ य कालक्कमचुयाणं जह य पुणो लद्धसिद्धिमग्गाणं अंतकिरिया / चलियाण य सदेवमाणुस्सधीरकरणकारणाणि बोधणअणुसासणाणि गुणदोसदरिसणाणि दिटुंते पच्चए य सोऊण लोगमुणिणों जहट्ठियसासणम्मि जरमरणणासणकरे आराहियसंजमा य सुरलोगपडिणियत्ता ओवेति जह सासयं सिवं सव्वदुक्खमोक्खं / एए अण्णे य एवमाइअत्था वित्थरेण य / णाया