________________ समवाओ-गणिपिडग-आयारे 393 सयसहस्सं आयामविक्खंभेणं प० // 124 // लवणे णं समुहे दो जोयणसयसहस्साई चक्कवालविक्खंभेणं प० // 125 / / पासस्स णं अरहओ तिणि सयसाहस्सीओ सत्तावीसं च सहस्साई उक्कोसिया सावियासंपया होत्था // 126 / / धायइखंडे गं दीवे चत्तारि जोयणसयसहस्साई चक्कवालविक्खंभेणं पण्णत्ते // 127 // लवणस्स गं समुहस्स पुरथिमिल्लाओ चरमंताओ पञ्चत्थिमिल्ले चरमंते एस णं पंच जोयणसयसहस्साई अबाहाए अंतरे पण्णत्ते // 128 // भरहे णं राया चाउरंतचक्कवट्टी छ पुव्वसयसहस्साइं रायमझे वसित्ता मुंडे भवित्ता अगाराओ अणगारियं पव्वइए // 129 / / जंबूदीवस्स णं दीवस्स पुरथिमिल्लाओ वेइयंताओ धायइखंडचक्कवालस्स पच्चत्थिमिल्ले चरमंते एस णं सत्त जोयणसयसहस्साई अबाहाए अंतरे पण्णत्ते / / 130 // माहिं देणं कप्पे अट्ठ विमाणावाससयसहस्साइं पण्णत्ताई // 131 // अजियस्स णं अरहओ साइरेगाई णव ओहिणाणिसहस्साई होत्था // 132 // पुरिस. सीहे ण वासुदेवे दस वाससयसहस्साइं सव्वाउयं पालइत्ता पंचमाए पुढवीए णेरइएसु णेरइयत्ताए उववण्णे // 133 // समणे भगवं महावीरे तित्थगरभवग्गहणाओ छठे पोट्टिलभवग्गहणे एगं वासकोडिं सामण्णपरियागं पाउणित्ता सहस्सारे कप्पे सवट्ठविमाणे देवत्ताए उववण्णे // 134 // उसभसिरिरस भगवओ चरिमस्स य महावीरवद्धमाणस्स एगा सागरोवमकोडाकोडी अबाहाए अंतरे पण्णत्ते // 135 // . गणिपिडग . दुवालसंगे गणिपिड़गे पण्णत्ते, तं जहा–आयारे, सूयगडे, ठाणे, समवाए, विवाहपण्णत्ती, णायाधम्मकहाओ, उवासगदसाओ, अंतगडदसाओ, अणुत्तरोववाइयदसाओ, पण्हावागरणाई, विवागसुए, दिठिवाए / से किं तं आयारे ? आयारे णं समणाणं णिग्गंथाणं आयारगोयरविणयवेणइयट्ठाणगमणचकमणपमाणजोगजुजणभासासमिइगुत्तीसेन्जोवहिभत्तपाणउग्गमउप्पायणए सणाविसोहिंसुद्धासुद्ध . ग्गहणवयणियमतवोवहाणसुप्पसत्थमाहिज्जइ / से समासओ पंचविहे पण्णत्ते, तं जहा—णाणायारे, दंसणायारे चरित्तायारे, तवायारे, विरियायारे / आयारस्स णं परित्ता वायणा, संखेजा अणुओगदारा, संखेजाओ पडिवत्तीओ, संखेज्जा वेढा, संखेज्जा सिलोगा, संखेजाओ णिज्जुत्तीओ। से णं अंगठ्ठयाए पढमे अंगे दो सुय खंधा, पणवीसं अज्झयणा, पंचासीइं उद्देसणकाला, पंचासीइं समुद्देसणकाला, अट्ठारस पयसहस्साई पयग्गेणं, संखेजा अक्खरा, अणंता गमा, अणंता पज्जवा,
