________________ 362 अंग-पविट्ठ सुत्ताणि छट्ठीए पुढवीए अत्थेगइयाणं णेरइयाणं वीसं सागरोवमाइं ठिई प० / असुर. कुमाराणं देवाणं अत्थेगइयाणं वीसं पलिओवमाई ठिई प० / सोहम्मीसाणेसु कप्पेसु अत्थेगइयाणं देवाणं वीसं पलिओवमाई ठिई प० / पाणते कप्पे देवाणं उक्कोसेणं वीसं सागरोवमाई ठिई प० / आरणे कप्पे देवाणं जहण्णेणं बीसं सागरो. वमाई ठिई प० / जे देवा सायं विसाय सुविसायं सिद्धत्थं उप्पलं भित्तिलं तिगिच्छं दिसासोवत्थियं पलंबं रुइलं पुप्फ सुपुप्फ पुप्फावत्तं पुप्फपभं पुप्फकंतं पुप्फवण्णं पुप्फलेसं पुप्फज्झयं पुप्फसिंगं पुप्फसिद्धं पुप्फुत्तरवडिंसगं विमाणं देवत्ताए उबवण्णा तेसि णं देवाणं उकोसेणं वीसं सागरोवमाइं ठिई प० / ते णं देवा वीसाए अद्धमासाणं आणमंति वा पाणमति वा उस्ससंति वा णीससंति वा / तेसि णं देवाणं वीसाए वाससहस्सेहिं आहारढे समुप्पन्नइ / संतेगइया भवसिद्धि या जीवा जे वीसाए भवग्गहणेहिं सिज्झिस्संति बुझिस्संति मुच्चिस्संति परिणिव्वाइस्संति सव्व. दुक्खाणमंतं करिस्संति // 20 // एक्कवीसं सबला प० त०-हत्थकम्मं करेमाणे सबले, मेहुणं पडिसेवमाणे सबले, राइभोयणं भुंजमाणे सबले, आहाकम्मं भुंजमाणे सबले, सागारियं पिंडं भुंजमाणे सबले, उद्देसियं कीयं वा पामिच्चं वा अच्छिज्जं वा अणिसिद्धं वा आहटु दिज्जमाणं भंजमाणे सबले, अभिक्खणं अभिक्खणं पडियाइक्खेत्ता णं भुंजमाणे सबले, अंतो छण्हं मासाणं गणाओ गणं संकममाणे सबले, अंतो मासस्स तओ दगलेवे करेमाणे सबले, अंतो मासस्स तओ माईठाणे सेवमाणे सबले, रायपिंड भंजमाणे सबले, आउट्टियाए पाणाइवायं करेमाणे सबले, आउट्टियाए मुसावायं वयमाणे सबले, आउट्टियाए अदिण्णादाणं गिण्हमाणे सबले, आउट्टियाए अणंतरहियाए पुढवीए ठाणं वा णिसीहियं वा चेएमाणे सबले, आउट्टियाए ससणिद्धाए पुढवीए ससरक्खाए पुढवीए ठाणं वा णिसीहियं वा चेएमाणे सबले, आउट्टियाए चित्तमंताए पुढवीए चित्तमंताए सिलाए चितमंताए लेलूए कोलावासंसि वा दारुए जीवपइट्ठिए सअंडे सपाणे सबीए सहरिए सउत्तिंगे पणगदगमट्टीमक्कडासंताणए तहप्पगारे ठाणं वा सिजं वा णिसीहियं वा चेएमाणे सबले, आउट्टियाए मूलभोयणं वा कंदभोयणं वा खंधभोयणं वा तया. भोयणं वा पवालभोयणं वा पत्तभोयणं वा पुप्फभोयणं वा फलभोयणं वा बीयभोयणं वा हरियभोयणं वा भुंजमाणे सबले, अंतो संवच्छंरस्स दस दगलेवे करेमाणे सबले, अंतो संवच्छरस्स दस माइठाणाई सेवमाणे सबले, आउट्टियाए
