________________ समवाओ स० 20 361 जोयणसयाई उड्डमहो तवयंति / सुक्के णं महग्गहे अवरे णं उदिए समाणे एगूणवीसं णक्खत्ताई समं चारं चरित्ता अवरेणं अत्थमण उवागच्छइ / जंबुद्दीवस्स णं दीवस्स कलाओ एगूणवीसं छेयणाओ प० / एगूणवीसं तित्थयरा अगारवासमझे वसित्ता मुंडे भवित्ता णं अगाराओ अणगारियं पव्वइआ / इमीसे णं रयणप्पभाए पुढवीए अत्थेगइयाणं णेरइयाणं एगूणवीसं पलिओवमाई ठिई प० / छट्ठीए पुढवीए अत्थेगइयाणं णेरइयाणं एगूणवीसं सागरोवमाइं ठिई प० / असुरकुमाराणं देवाणं अत्थेगइयाणं एगूणवीसं पलिओवमाइं ठिई प० / सोहम्मीसाणेसु कप्पेसु अत्थेगइयाणं देवाणं एगूणवीसं पलिओवमाइं ठिई प०। आणयकप्पे अत्थेगइयाणं] देवाणं उक्कोसेणं एगूणवीसं सागरोवमाई ठिई प० / पाणए कप्पे [अत्थेगइयाणं] देवाणं जहण्णेणं. एगूणवीसं सागरोवमाई ठिई प० / जे देवा आणतं पाणतं णतं विणतं घणं सुसिरं इंदं इंदोकंतं इंदुत्तरवडिंसगं विमाणं देवत्ताए उववण्णा तेसि णं देवाणं उक्कोसेणं एगूणवीसं सांगरोवमाई ठिई प० / ते णं देवा एगूणवीसाए अद्धमासाणं आणमंति वा पाणमंति वा उस्ससंति वा णीससंति वा / तेसि णं देवाण एगूणवीसाए वाससहस्सेहिं आहारटे समुप्पज्जइ। संतेगइया भवसिद्धिया जीवा जे ए गूणवीसाए भवग्गहणेहि सिज्झिस्संति बुज्झिस्संति मुच्चिस्संति परिणिव्या. इस्संति सव्वदुक्खाणं अंतं करिस्संति // 19 // वीसं असमाहिठाणा प० तं.-- दवदवचारि यावि भवइ, अपमजियचारि यावि भवइ, दुप्पमजियचारि यावि भवइ, अइरित्तसेज्जासणिए, राइणियपरिभासी, थेरोवघाइए, भूओवघाइए, संजलणे कोहणे, पिढिमंसिए, अभिक्खणं अभिक्खणं ओहारइत्ता भवइ, णवाणं अधिकरणाणं अणुप्पण्णाणं उप्पाएत्ता भवइ, पोराणाणं अधिकरणाणं खामियवि. उसवियाणं पुणोदीरेत्ता भवई, ससरक्खपाणिपाए, अकालसज्झायकारए यावि भवइ, कलहकरे, सहकरे, झंझकरे, सूरप्पमाणभोई, एसणाऽसमिए यावि भवइ / मुणिसुव्वए णं अरहा वीसं धणूइं उढे उच्चत्तेणं होत्था / सम्वेऽविअ णं घणोदही वीस जोयणसहस्साई बाहल्लेणं पण्णत्ताओ / पाणयस्स णं देविंदस्स देवरण्णो वीस सामाणियसाहस्सीओ पण्णत्ताओ / णपुंसयवेयणिज्जस्स णं कम्मस्स वीसं सागरो. वमकोडाकोडीओ बंधओ बंधठिई प० / पञ्चक्खाणस्स णं पुव्वस्स वीस वत्थू प० / उस्सप्पिणिओसप्पिणिमंडले वीसं सागरोवमकोडाकोडीओ कालो पण्णत्तो / इमीसे ण रयणप्पभाए पुढवीए अत्थेगइयाणं णेरइयाणं वीस पलिओवमाई ठिई प० /
