________________ समवाओ स०३ 345 माहिंदे कप्पे देवाणं जहण्णेणं साहियाई दो सागरोवमाई ठिई पण्णत्ता / जे देवा सुभं सुभकंतं सुभवणं सुभगंध सुभलेसं सुभफासं सोहम्मवडिंसगं विमाणं देवत्ताए उववण्णा तेसि णं देवाणं उकोसेणं दो सागरोवमाई ठिई पण्णत्ता / ते ण देवा दोण्हं अद्धमासागं आणमंति वा पाणमंति वा ऊससंति वा णीससंति वा / तेसि णं देवाणं दोहिं वाससहस्सेहिं आहारटे समुप्पज्जइ / अत्थेगइया भवसिद्धिया जीवा जे दोहिं भवग्गहणेहिं सिन्झिस्संति बुज्झिस्संति मुच्चिस्संति परिणिव्वाइस्संति सव्वदुक्खाणमंतं करिस्संति // 2 // तओ दंडा पण्णत्ता, तं जहा-मणदंडे, वइदंडे, कायदंडे / तओ गुत्तीओ पण्णत्ताओ, तं जहा-मणगुत्ती, वयगुत्ती, कायगुत्ती / तओ सल्ला पण्णत्ता, तं जहा-मायासल्ले णं, णियाणसल्ले णं, मिच्छादसणसल्ले णं / तओ गारवा पण्णत्ता, तं जहा-इड्डीगारवेणं, रसगारवे णं, सायागारवे णं / तओ विराहणा पण्णत्ता, तं जहा-णाणविराहणा, दंसणविराहणा, चरित्तविराहणा / मिगसिरगखत्ते तितारे पण्णत्ते। पुस्सणखत्ते तितारे पण्णत्ते / जेठाणक्खत्ते तितारे पण्णत्ते / भभीइणक्खत्ते तितारे पण्णत्ते / सवणणक्खत्ते तितारे पण्णत्ते / अस्सिणिणखत्ते तितारे पण्णत्ते / भरणीणक्खत्ते तितारे पण्णत्ते / इमीसे ण रयणप्पभाए पुढवीए अत्थेगइयाणं णेरइयाणं तिण्णि पलिओवमाई ठिई पण्णत्ता / दोच्चाए णं पुढ. पीए णेरइयाणं उक्कोसेणं तिण्णि सागरोवगाई ठिई पण्णत्ता। तच्चाए णं पुढवीए णेरइयाणं जहणणेणं तिण्णि सागरोवमाइं ठिई प० / असुरकुमाराणं देवाणं अत्थेगइयाणं तिणि पलिओवमाइं ठिई प० / असंखिज्जवासाउयसणिपंचिंदियतिरिक्खजोणियाणं उक्कोसेणं तिणि पलिओवमाई ठिई प०। असंखिज्जवासाउयसण्णिगन्भवकं. तियमणुस्साणं उक्कोसेणं तिणि पलिओवपाई टिई प० / सोहम्मीसाणेसु कप्पेसु अत्थे. गइयाणं देवाणं तिण्णि पलिओवमाई ठिई प० / सणंकुमारमाहिंदेसु कप्पेसु अत्थे. गइयाणं देवाणं तिण्णि सागरोवमाइं ठिई प० / जे देवा आभंकरं पभंकरं आभंकरपभेकर चंदं चंदावत्तं चंदप्पभं चंदकंतं चंदवणं चंदलेसं चंदज्झयं चंदसिंगं चंदसिटुं चंदकूडं चंदुत्तरवडिंसगं विमाणं देवत्ताए उववण्णा तेसि णं देवाणं उक्कोसेणं तिणि सागरोवमाइं ठिई प० ते णं देवा तिण्हं अद्धमासाणं आणमंति वा पाणमंति वा ऊससंति वा णीससंति वा / तेसि णं देवाणं तिहिं वाससहस्सेहिं आहारट्ठे समुप्पज्जइ / संतेगइया भवसिद्धिया जीवा जे तिहिं भवग्गहणेहिं सिज्झिस्संति बुझिस्संति मुचिस्संति परिणिव्वाइस्संति सव्वदुक्खाणमंतं करिस्संति // 3 // चत्तारि
