________________ 344 अंग-पविट्ट सुत्ताणि असंखिज्जवासाउयसणिपंचिंदियतिरिक्खजोणियाणं अत्थेगइयाणं एग पलिओवर्म ठिई पण्णत्ता / असंखिज्जवासाउयगब्भवकंतियसणिमणुयाणं अत्थेगइयाणं एगं पलिओवमं ठिई पण्णत्ता। वाणमंतराणं देवाणं उक्कोसेणं एगं पलिओवमं ठिई पण्णत्ता। जोइसियाणं देवाणं उक्कोसेणं एगं पलिओवमं वाससयसहस्समन्भहियं ठिई पण्णता / सोहम्मे कप्पे देवाणं जहण्णेणं एगं पलिओवमं ठिई पण्णत्ता / सोहम्मे कप्पे देवाणं अत्थेगइयाणं एगं सागरोवमं ठिई पण्णत्ता / ईसाणे कप्पे देवाणं जहण्णेणं साइरेगं एगं पलिओवमं ठिई पण्णत्ता। ईसाणे कप्पे देवाणं अत्थेगइयाणं एगं सागरोवमं ठिई पण्णत्ता / जे देवा सागरं सुसागरं सागरकंतं भवं मणुं माणुसोत्तरं लोगहियं विमाणं देवत्ताए उववण्णा तेसिणं देवाणं उक्कोसेणं ए गं सागरोवमं ठिई पण्णत्ता / ते णं देवा एगस्स अद्धमासस्स आणमंति वा पाणमंति वा उस्ससंति वा णीससंति वा / तेसि णं देवाणं एगस्स वाससहस्सस्स आहारढे समुप्पज्जइ / संतेगइया भवसिद्धिया जे जीवा ते एगेणं भवग्गहणेणं सिज्झिस्संति बुझिसंति मुच्चिस्संति परिणिव्बाइस्संति सव्व. दुक्खाण मंतं करिस्संति // 5 / / 2 / / दो दंडा पण्णत्ता, तं जहा-अट्ठादंडे चेव, अणट्ठादंडे चेव / दुवे रासी पण्णत्ता,तं जहा-जीवरासी चेव, अजीवरासी चेव / दुविहे बंधणे पण्णत्ते,तं जहा-रागबंधणे चेव,दोसबंधणे चेव / पुवाफग्गुणी णक्खत्ते दुतारे पणत्ते / उत्तराफग्गुणी णक्खत्ते दुतारे पण्णत्त / पुव्वाभवया णक्खत्ते दुतारे पण्णत्ते। उत्तरा. भद्दवया णक्खत्ते दुतारे पण्णत्ते इमीसे णं रयणप्पभाए पुढवीए अत्यंगइ. याणं णेरइयाणं दो पलिओवमाई ठिई पण्णत्ता / दुच्चाए पुढवीए अत्थेगइयाणं णेरइ. याणं दो सागरोवमाइं ठिई पण्णत्ता / असुरकुमाराणं देवाणं अत्थेगइयाणं दोपलिओ. वमाई ठिई पण्णत्ता / असुरकुमारिंदवज्जियाणं भोमिज्जाणं देवाणं उक्कोसेणं देसूणाई दो पलिओवमाई ठिई पण्णत्ता / असंखिजवासाउयसण्णिपंचेदियतिरिक्खजोणिआणं अत्थेगइयाण दोपलिओवमाई ठिई पण्णत्ता / असंखिजवासाउयगन्भवतियसण्णि. पंचिंदियमाणुस्साणं अत्थेगइयाणं दोपलिओवमाइं ठिई पण्णत्ता। सोहम्मे कप्पे अत्थे. गइयाणं देवाणं दो पलिओवमाई ठिई पण्णत्ता। ईसाणे कप्पे अत्थेगइयाणं देवाणं दो पलिओवमाई ठिई पण्णत्ता / सोहम्मे कप्पे अत्थेगइयाणं देवाणं उक्कोसेणं दो सागरोवमाई ठिई पण्णत्ता। ईसाणे कप्पे देवाणं उक्कोसेणं साहियाइं दो सागरोवमाई ठिई पण्णत्ता / सणंकुमारे कप्पे देवाणं जहण्णेणं दो सागरोवमाइं ठिई पण्णत्ता /
