________________ 332 अंग-पविट्ठ सुत्ताणि एवं असंजमोवि भाणियब्वो // 21 // दससहुमा प० तं-पाणसुहुमे, पणगसुहुमे जाब सिणेहसुहुमे, गणियसहुमे, भंगसुहुमे // 22 / / जंबूमंदर दाहिणेणं गंगासिंधु. महाणईओ दसमहाणईओ समप्पेंति तं० जउणा, सरऊ, आवी, कोसी, मही, सिंधू, विवच्छा, विभासा, एरावई, चंदभागा / / 23 / / जंबूमंदरउत्तरेणं रत्तारत्तवईओ महाणईओ दस महाणईओ समप्येति तं०-किण्हा, महाकिण्हा, णीला, महाणीला, तीरा, महातीरा, इंदा जाव महाभोगा / / 24 / / जंबुद्दीवे दीवे भरहे वासे दस रायहाणीओ प० तं० चंपा, महुरा, वाणारसी य, सावत्थी, तह य साए यं, हत्थिणउर, कंपिल्लं, मिहिला, कोसंबि, रायगिहं / / 25 / / एयासु णं दस रायहाणीसु दस रायाणो मुंडा भवेत्ता जाव पव्वइया, तं०-भरहे, सगरो, मघवं, सणंकुमारो, संती, कुंथू , अरे, महापउमे, हरिसेणो, जयणामे / / 26 // जंबूमंदरपव्वए दस जोयणसयाइं उव्वेहेणं धरणितले दस जोयणसहस्साई विक्खंभेणं उवरिं दसजोयणसयाई विक्खंभेणं दसदसाई जोयणसहस्साई सव्वग्गेणं प० // 27 // जंबुद्दीवे दीवे मंदरस्स पव्वयस्स बहुमज्झदेसभाए इमीसे रयणप्पभाए पुढवीए उवरिमहे. द्विल्लेसु खुड्गपयरेसु एत्थ णं अट्ठ पए सिए रुंयगे प० जओ णं इमाओ दस दिसाओ पवहंति तं० पुरत्थिमा, पुरत्थिमदाहिणा, दाहिणा, दाहिणपञ्चत्थिमा, पञ्चत्थिमा, पञ्चत्थिमुत्तरा, उत्तरा, उत्तरपुत्थिमा, उड्डा, अहो / / 28 / / एएसि णं दसण्हं दिसाणं दस णामधिज्जा, प० तं०-इंदा अग्गीइ जमा णेरई वारुणी य वायवा, सोमा ईसाणावि य विमला य तमा य बोद्धव्वा // 29 / / लवणस्स णं समुदस्स दस जोयणसहस्साई गोतित्थविरहिए खेत्ते प० // 30 // लवणस्स णं समुहस्स दस जोयणसहस्साई उदगमाले पण्णते // 31 // सव्वेवि णं महापायाला दसदसाइं जोयणसहस्साई उब्वेहेणं प० मूले दस जोयणसहस्साइं विक्खंभेणं प० बहुमज्झदेसभाए एगपएसियाए सेढीए दसदसाइं जोयणसहस्साई विक्खंभेणं प० उवरिं मुहमूले दस जोयणसहस्साई विक्खंभेणं प० तेसिं णं महापायालाणं कुड्डा सव्ववइरामया सब्बत्थसमा दस जोयणसयाई बाहल्लेणं प० सव्वेवि णं खुद्दा पायाला दस जोयणसयाई उब्वेहेणं प० मूले दसदसाई जोयणाई विक्खंभेणं बहुमज्झदेसभाए एगपएसियाए सेढीए दस जोयणसयाई विक्खंभेणं प० उवरिं मुहमूले दसदसाइं जोयणाई विक्वंभेणं प० तेसि णं खुड्डापायालाणं कुड्डा सव्ववइरामया सव्वत्थ समा दस जोयणाई बाहल्लेणं प० // 32 // धायइसंडगा णं मंदरा दस जोयणसयाई उव्वे हेणं घर
