________________ ठाणं ठा. 5 उ.३ 289 पण्णत्ते / पंच विहा इढिमंता मणुस्सा प० त० अरहंता चक्कवट्ठी बलदेवा वासुदेवा भावियप्पाणो.अणगारा // 46 // पंचमं ठाणं तइओ उद्देसो पंच अत्थिकाया प० तं० धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए / धम्मत्थिकाए अवण्णे अगंधे अरसे अफासे अरूवी अजीवे सासए अवट्ठिए लोगदव्वे से समासओ पंचविहे प० तं० दवओ खेत्तओ कालओ भावओ गुणओ। दव्वओणं धम्मत्थिकाए एगं दव्वं खेत्तओ लोगपमाणमेत्ते कालओ ण कयाइ णासी ण कयाइ ण भवइ ण कयाइ ण भविस्सइत्ति भुवि भवइ य भविस्सइ य धुवे णिइए सासए अक्खए अव्वए अवढिए णिचे, भावओ अवण्णे अगंधे अरसे अफासे, गुणओ गमणगुणे य (1) अधम्मत्थिकाए अवण्णे एवं चेव णवरं गुणओ ठाणगुणे (2) आगासत्थिकाए अवण्णे एवं चेव णवरं खेत्तओ लोगालोगप्पमाणमित्ते गुणओ अवगाहणागुणे सेसं तं चेव (3) जीवत्थिकाए णं अवण्णे एवं चेव णवरं दव्वओ णं जीवत्थिकाए अपंताई दव्वाई, अरूवी जीवे सासए, गुणओ उवओगगुणे, सेसं तं चैव (4) पोग्गलत्थिकाए पंचवण्णे पंचरसे दुगंधे अट्ठफासे रूबी अजीवे सासए अवंट्ठिए जाव दवओ णं पोग्गलत्थिकाए अणंताई दवाई, खेत्तओ लोगपमाणमेत्ते, कालओ ण कयाइ णासी जाव णिच्चे भावओ वण्णमंते गंधमंते रसमंते फासमंते, गुणओ गहणगुणे / / 47 // पंच गईओ प० तं० णिरयगई तिरियगई मणुयगई देवगई सिद्धिगई / पंच इंदियत्था प० तं० सोईदियत्थे जाव फासिंदियत्थे / पंच मुंडा प० त०-सोइंदियमुंडे जाव फासिंदियमुंडे, अहवा पंच मुंडा प० तं० कोहमुंडे, माणमुंडे, मायामुंडे, लोभमुंडे, सिरमुंडे // 48 / / अहे लोए थे पंच बायरा प० तं० पुढविकाइया आउ० वाउ० वणस्सइ. काइया उराला तसा पाणा | उड्डलोए णं पंच बायरा, एवं चेव, तिरियलोए णं पंच बायरा प० त० एगिंदिया जाव पंचिंदिया / पंच विहा बायरतेउकाइया प० तं० इंगाले जाले मुम्बुरे अच्ची अलाए / पंचविहा बादरवाउकाइया प० तं० पाईणवाए पडीणवाए दाहिणवाए उदीणवाए विदिसिवाए / पंचविहा अचित्ता वाउकाइया प० तं० अकंते धंते पीलिए सरीराणुगए संमुच्छिमे / / 49 // पंच णियंठा 50 तं० पुलाए * बउसे कुसीले णियंठे सिणाए / पुलाए पंच विहे प० तं०
