Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 301

288 अंग-पविट्ठ सुत्ताणि भाणियव्वं / समयक्खेत्ते णं पंच भरहाई पंच एरवयाई एवं जहा चउठाणे बिइय उद्देसे तहा एत्थवि भाणियव्वं जाव पंच मंदरा पंचमंदरचूलियाओ णवरं उसुयारा णत्थि // 44 / / उसभे णं अरहा कोसलिए पंचधणुसंयाई उड्डे उच्चत्तेणं होत्था भरहे णं राया चाउरंतचक्कवट्टी पंचधणुसयाई उड्ढे उच्चत्तेणं होत्था बाहुबली णं अणगारे एवं चेव / बंभी णं अजा एवं चेव सुंदरीवि / पंचहिं ठाणेहिं सुत्ते वि बुज्झेज्जा तं० सहेणं फासेणं भोयणपरिणामेणं णिहक्म्वएणं सुविणदंसणणं / पंचहिं ठाणेहिं समणे णिग्गंथे णिग्गंथिं गिण्हमाणे वा अवलंबमाणे वा णाइक्कमइ तं० णिग्गंथिं च णं अण्णयरे पसुजाइए वा पक्खीजाइए वा ओहाएज्जा तत्थ णिग्गंथ णिग्गंथिं गिण्हमाणे वा अवलंबमाणे वा णाइक्कमइ णिग्गंथ णिग्गंथिं दुग्गंसि वा विसमंसि वा पक्खलमाणिं वा पवडमाणिं वा गेण्हमाणे वा अवलंबमाणे वा णाइ. क्कमइ णिग्गंथे णिग्गंथि सेयंसि वा पंकसि वा पणगंसि वा उदगंसि वा उक्कस्समाथि वा उवुज्झमाणिं वा गिण्हमाणे वा अवलंबमाणे वा णाइक्कमइ / णिग्गंध णिग्गथिं णावं आरुहमाणे वा ओरुहमाणे वा णाइक्कमइ वित्तइत्तं जक्ग्वाइटें उम्मायपत्तं उवसग्गपत्तं साहिगरणं सपायच्छित्तं जाव भत्तपाणपडियाइक्वियं अट्ठजायं वा णिग्गंथे णिग्गंथिं गिण्हमाणे वा अबलंबमाणे वा णाइक्कमइ / / 4 / / आयरियउवज्झायस्स णं गणंसि पंच अइसेसा प० तं० आयरियउवज्झाए अंतोउवस्सयस्स पाए णिगिन्झिय 2 पप्फोडेमाणे वा पमज्जेमाणे वा णाइक्कमइ आयरियउवज्झाए अंतो उवस्सयस्स उच्चारपासवणं विगिंचमाणे वा विसोहेमाणे वा णाइकमइ आयरियउवज्झाए पभू इच्छा वेयावडियं करेज्जा इच्छा णो करेज्जा आय. रियउवज्झाए अंतो उवस्सयस्स एगराई वा दुराई वा एगागी वममाणे णाइक्कमइ / आयरिय उवज्झाए बाहिं उवस्सयस्स एगराई वा दुराई वा वसमाणे णाइक्कमइ। पंचहिं ठाणेहिं आयरियउवज्झायस्स गणावक्कमणे प० तं. आयरियउवज्झाए गणंसि आणं वा धारणं वा णो सम्मं पउंजित्ता भवइ / आयरियउवज्झाए गणमि अहारायणियाए किइकम्मं वेणइयं णो सम्मं पउंजित्ता भवइ / आयरियउवज्झाए गणंसि जे सुयपज्जवजाए धारिंति ते काले णो सम्ममणुपवाएत्ता भवइ, आयरिय. उवज्झाए गणंसि सगणियाए वा परगणियाए वा णिग्गंथीए बहिल्लेसे भवइ, मित्ते णाइगणे वा से गणाओ अवक्कमेजा तेसिं संगहोवग्गहट्टयाए गणावक्कमणे