________________ ठाणं ठा. 5 उ. 1 279 पुढविं पासित्ता तप्पढमयाए णो खंभाएज्जा सेसं तहेव जाव भवणगिहेसु संणिक्खित्ताई चिट्ठति ताई वा पासित्ता तप्पढमयाए णो खंभाए ज्जा, सेसं तहेव, इच्चेए हिं पंचहिं ठाणेहिं जाव णो खंभाएज्जा // 7 // जेरइयाणं सरीरगा पंचवण्णा पंचरसा प० तं० किण्हा जाव सुकिल्ला तित्ता जाव महरा, एवं णिरंतरं जाव वेमाणियाणं // 8 // पंच सरीरगा प० त० ओरालिए वेउलिए आहारए तेयए कम्मए / ओरालियसरीरे पंचवण्णे पंचरसे प० तं० किण्णे जाव सुकिल्ले, तित्ते जाव महुरे। एवं जाव कम्मगसरीरे, सव्वे वि णं बादरबों दिधरा कलेवरा पंचवण्णा पंचरसा दुगंधा अट्ठफासा // 9 // पंचहिं ठाणेहिं पुरिमपच्छिमगाणं जिणाणं दुग्गमं भवइ तं० दुआइक्खं दुविभज्ज दुपस्सं दुतितिक्खं दुरणुचरं / पंचहिं ठाणेहिं मज्झिमगाणं जिणाणं सुग्गम भवइ तं० सुआइक्खं सुविभज्ज सुपस्सं सुतितिक्खं सुरणुचरं ||10|| पंचठाणाई समणेणं भगवया महावीरेणं समणाणं णिग्गंथाणं णिचं वण्णियाइं णिचं कित्तियाइं णिचं बुइयाई णिचं पसत्थाई णिचमन्भणुण्णायाई भवंति तं. खंती मुत्ती अजवे मद्दवे लाघवे / पंचठाणाई समणेणं जाव अब्भणुण्णायाई भवंति तं० सच्चे संजमे तवे चियाए बंभचेरवासे / / 11 // पंचठाणाई समणाणं जाव अन्भणुण्णायाई भवंति तं० उक्खित्तंचरए णिक्खित्तचरए अंतचरए पंतचरए लूहचरए / पंचठाणाई जाव अब्भणुण्णायाई भवंति तं० अण्णायचरए अण्णवेलचरए मोणचरए संसट्ठकप्पिए तज्जायसंसट्ठकप्पिए / पंचठाणाई जाव अब्भणुण्णायाइं भवंति तं उवणिहिए सुद्धेसणिए सैखादत्तिए दिट्ठलाभिए पुट्ठलाभिए / पंचठाणाई जाव अब्भणुण्णायाई भवंति तं० आयंबिलिए णिव्वियए पुरिमड्डिए परिमियपिंडवाइए भिण्णपिंडवाइए। पंचठाणाई जाव अब्भणुण्णायाइं भवंति तं० अरसाहारे विरसाहारे अंताहारे पंताहारे लूहाहारे / पंचठाणाई जाव भवंति तं० अरसजीवी विरसजीवी अंतजीवी पंतजीवी लूहजीवी / पंचठाणाइं जाव भवंति तंजहा-ठाणाइए उक्कुडु. आसणिए पडिमट्ठाई वीरासणिए णेसज्जिए ।पंचठाणाई जाव भवंति तं० दंडायइए लगडसाई आयावए अवाउडए अकंडूयए / / 12 // पंचहिं ठाणेहिं समणे णिग्गंथे महाणिजरे महापज्जवसाणे भवइ तं० अगिलाए आयरियवेयावच्चं करेमाणे एवं उवज्झायवेयावंचं थेरवेयावच्चं तवस्सिवेयावच्चं गिलाणवेयावच्चं करेमाणे / पंचहिं ठाणेहिं समगे णिग्गंथे महाणिज्जरे महापज्ञवसाणे भवइ तं० अगिलाए सेहवेयावचं
