________________ 278 अंग-पविट्ठ सुत्ताणि वेरमणं, थूलाओ मुसावायाओ वेरमणं, थूलाओ अदिण्णादाणाओ वेरमणं, थूलाओ मेहुणाओ वेरमणं (सदारसंतोसे) इच्छापरिमाणे / / 1 // पंच वण्णा प० तं० किण्हा णीला लोहिया हालिद्दा सुकिल्ला / पंच रसा पतं० तित्ता कडया कसाया अंबिला महरा / पंचकामगुणा प० तं० सद्दा रूवा गंधा रसा फासा। पंचहिं ठाणेहिं जीवा सज्जति तं० सद्देहिं जाव फासेहिं, एवं रजति मुच्छंति गिझंति अज्झोववनंति / पंचहिं ठाणेहिं जीवा विणिघायमावज्जति तं० सद्देहिं जाव फासे हिं / पंच ठाणा अपरिणाया जीवाणं अहियाए असुभाए अखमाए अणिस्सेस्साए अणाणुगामियत्ताए भवंति तं० सहा जाव फासा, पंचठाणा सुपरिण्णाया जीवाणं हियाए सुभाए जाव आणुगामियत्ताए भवंति तं० सहा जाव फासा / पंच ठाणा अपरिण्णाया जीवाणं दुग्गइगमणाए भवंति तं० सद्दा जाव फासा / पंचठाणा परिणाया जीवाणं सुग्गइगमणाए भवंति तं० सहा जाव फासा / / 2 // पंचहिं ठाणेहिं जीवा दुग्गइं गच्छंति तं० पाणाइवाएणं जाव परिग्गहेणं / पंचहिं ठाणेहिं जीवा सोगई गच्छंति तं० पाणाइवायवेरमणेणं जाव परिग्गहवेरमणेणं // 3 // पंच पडिमाओ प० त० भद्दा सुभद्दा महाभद्दा सव्वओभद्दा भद्दुत्तरपडिमा।।४॥ पंच थावरकाया प० तं० इंदे थावरकाए, बंभे थावरकाए सिप्पे थावरकाए संमई थावरकाए पायावच्चे थावरकाए / पंच थावरकायाहिवई प० तं० इंदे थावरकायाहिवई, जाव पायावच्चे थावरकायाहिवई / / 5 // पंचहिं ठाणेहिं ओहिदसणे समुप्पजिउकामेवि तप्पढमयाए खंभाए जा तं० अप्पभूयं वा पुढविं पासित्ता तप्पढमयाए खंभाए जा, कुंथुरासिभूयं वा पुढविं पासित्ता तप्पढमयाए खंभाए जा, महइमहालयं वा महोरगसरीरं पासित्ता तप्पढमयाए खंभाए जा, देवं वा महिड्डियं जाव महेसक्खं पासित्ता तप्पढमयाए खंभाएज्जा, पुरेसु वा पोराणाई महइमहालयाई महाणिहाणाई पहीणसामियाई पहीणसेउयाई पहीणगुत्तागाराई उच्छिण्णसामियाई उच्छिण्णसेउयाई उच्छिण्णगुत्तागाराइं जाई इमाई गामागरणगरखेडकब्बडमंडवदोणमुहपट्टणासमसंबाहसंणिवेसेसु सिंघाडगतिगचउक्कचच्चरचउम्मुहमहापहपहेसु णगरणिद्धमणेसु सुसाणसुण्णागारगिरिकंदरसंतिसेलोवट्ठावणभवणगिहेसु संणिक्खित्ताई चिटुंति ताई वा पासित्ता तप्पढमयाए खभाएज्जा, इच्चेएहिं पंचहिं ठाणेहिं ओहिंदंसणे समुप्पजिउकामे तप्पढमयाए खंभाएज्जा / / 6 // पंचहिं ठाणेहिं केवल. वरणाणदंसणे समुप्पजिउकामे तप्पढमयाए णो खंभाएज्जा तं० अप्पभूयं वा
