________________ ठाणं ठा. 4 उ. 4 271 रायकरंडए / एवामेव चत्तारि आयरिया प० तं० सोवागकरंडगसमाणे, वेसियाकरंडगसमाणे, गाहावइकरंडगसमाणे, रायकरंडगसमाणे // 151 // चत्तारि रुक्खा प० त० साले णाममेगे सालपरियाए साले णाममेगे एरंडपरियाए 4 / एवामेव . चत्तारि आयरिया प० त० साले णाममेगे सालपरियाए साले णाममेगे एरंडपरियाए एरंडे णाममेगे० 4 / चत्तारि रुक्खा प० त० साले णाममेगे सालपरिवारे 4 / एवामेव चत्तारि आयरिया प० त० साले णाममेगे सालपरिवारे 4 / गाहा-सालदुममज्झयारे जह साले णाम होइ दुमराया, इय सुंदरआयरिए सुंदरसीसे मुणेयव्वे (1) एरंडमज्झयारे जह साले णाम होइ दुमराया, इय सुंदरआयरिए मंगुलसीसे मुणेयध्वे (2) सालदुममज्झयारे एरंडे णाम होइ दुमराया, इय मंगुलआयरिए सुंदरसीसे मुणेयवे (3) एरंडमज्झयारे, एरंडे णाम होइ दुमराया, इय मंगुलआयरिए मंगुलसीसे मुणेयव्वे (4) // 152 // चत्तारि मच्छा प० तं. अणुसोयचारी पडिसोयचारी अंतचारी मज्झचारी / एवामेव चत्तारि मिक्खागा प० तं० अणुसोयचारी पडिसोयचारी अंतचारी मज्झचारी / / 153 // चत्तारि गोला प० तं० मधुसित्थगोले जउगोले दारुगोले मट्टियागोले / एवामेव चत्तारि पुरिसजाया प० तं० मधुसित्थगोलसमाणे 4 / चत्तारि गोला प० त० अयगोले तउगोले तंबगोले सीसगोले / एवामेव चत्तारि पु. 50 तं० अयगोलसमाणे जाव सीसगोल. समाणे 4 / चत्तारि गोला प० त० हिरण्णगोले सुवण्णगोले रयणगोले वयरगोले, एवामेव चत्तारि पुरिसजाया प० तं० हिरण्णगोलसमाणे जाव वयरगोलसमाणे // 154 // चत्तारि पत्ता प० तं० असिपत्ते करपत्ते खुरपत्ते कलंबचीरियापत्ते, : एवामेव चत्तारि पु० प० तं. असिपत्तसमाणे जाव कलंबचीरियापत्तसमाणे // 155 // चत्तारि कडा प० तं० सुबकडे विदलकडे चम्मकडे कंबलकडे / एवामेव चत्तारि पु० प० तं० सुंबकडसमाणे जाव कंबलकडसमाणे / / 156 / / चउव्विहा चउप्पया प० तं० एगखुरा दुखुरा गंडीपदा सणप्पदा / चउव्विहा पक्खी प. तं० चम्मपक्खी लोमपक्खी समुग्गपक्खी विययपक्खी / चउव्विहा खुड्डपाणा प० तं० बेइंदिया तेइंदिया चउरिंदिया संमुच्छिमपंचिंदियतिरिक्खजोणिया // 157 / / चत्तारि पक्खी प० तं० णिवइत्ता णाममेगे णो परिवइत्ता परिवइत्ता ' णाममेगे णो णिवत्ता एगे णिवइत्तावि परिवइत्तावि एगे णो णिवइत्ता णो परिवइत्ता,
