________________ 268 अंग-पविट्ठ सुत्ताणि प०, चत्तारि वत्थपडिमाओ प०, चत्तारि पायपडिमाओ प० ,चत्तारि ठाणपडि. माओ प०॥ 131 // चत्तारि सरीरगा जीवफुडा प० तं० वेउविए आहारए तेयए कम्मए; चत्तारि सरीरगा कम्मुम्मीसगा प० तं० ओरालिए वेउविए आहारए तेयए // 132 // चउहिं अत्थिकाएहिं लोगे फुडे प० तं० धम्मत्थिकाएणं अधम्मत्थिकाएणं जीवत्थिकाएणं पुग्गलत्थिकाएणं / चउहिं बायरकाए हिं उववजमाणेहिं लोगे फुडे प० तं० पुढविकाइएहिं आउकाइएहिं वाउवणस्सइकाइए हिं / चत्तारि पएसग्गेणं तुल्ला प० तं० धम्मत्थिकाए अधम्मत्थिकाए लोगागासे एगजीवे। चउण्हमेगसरीरं णो सुपस्सं भवइ तं० पुढविआउतेउवणस्सइकाइयाणं / / 133 // चत्तारि इंदियत्था पुट्ठा वेदेति तं० सोइंदियत्थे घाणिंदियत्थे जिभिदियत्थे फासिंदियत्थे / / 134 // चउहिं ठाणेहिं जीवा य पोग्गला य णो संचाएंति बहिया लोगंता गमणयाए तं० गइअभावणं णिरुवग्गहयाए लुक्ग्वत्ताए लोगाणुभावेणं // 135 // चउविहे णाए प० तं० आहरणे आहरणतहेसे आहरणतद्दोसे उवण्णासोवणए / आहरणे चउविहे प० त० अवाए उवाए ठवणाकम्मे पडुप्पण्णविणासी / आहरणतहेसे चउविहे प० तं० अणुसिट्ठी उवालंभे पुच्छा णिस्सावयणे / आहारणतहोसे चउबिहे प० तं० अधम्मजुत्ते पडिलोमे अंतोवणीए दुरुवणीए / उवण्णासोवणए चउविहे प० तं० तव्वत्थुए तदण्णवत्थुए पडिणिभे हेऊ / / 136 // चउबिहे हेऊ प० त० जावए थावए वंसए लूसए / अहवा हेऊ चउबिहे प० तं० पच्चक्खे अणुमाणे ओवम्मे आगमे / अहवा हेऊ चउविहे प० तं. अत्थित्तं अत्थि सो हेऊ अत्थित्तं णत्थि सो हेऊ णत्थित्तं अत्थि सो हेऊ णत्थित्तं णत्थि सो हेऊ / / 137 // चउबिहे संखाणे प० तं० परिकम्मं ववहारे रज्जू रासी / / 138 // अहोलोए णं चत्तारि अंधयारं करेंति तं० णरगा णेरइया पावाई कम्माई असुभा पोग्गला। तिरियलोए णं चत्तारि उज्जोयं करेंति तं० चंदा सूरा मणी जोई। उड्डलोए णं चत्तारि उज्जोयं करेंति तं० देवा देवीओ विमाणा आभरणा // 139 // चउत्थं ठाणं चउत्थो उद्देसो चत्तारि पसप्पगा प० तं० अणुप्पण्णाणं भोगाणं उप्पाएत्ता एगे पसप्पए, पुब्बुप्पण्णाणं भोगाणं अविप्पओगेणं एगे पसप्पए,अणुप्पण्णाणं सोक्खाणं उप्पाइत्ता एगे पसप्पए पुव्वुप्पण्णाणं सोक्खाणं अविप्पओगेणं एगे पसप्पए / / 140 // णेरइ.
