________________ ठाणं ठा. 4 उ. 2 247 सव्वेसिं महग्गहाणं जाव भावकेउस्स / सक्कस्स णं देविंदस्स देवरणो सोमस्स महारण्णो चत्तारि अग्गमहिसीओ प० त० रोहिणी मयणा चित्ता सोमा, एवं जाव वेसमणस्स। ईसाणस्स णं देविंदस्स देवरणो सोमस्स महारण्णो चत्तारि अग्गमहिसीओ प० ते. पुढवी राई रयणी विज्जू एवं जाव वरुणस्स // 43 // चत्तारिगोरसविगईओ प० त० खीरं दहिं सप्पिं णवणीयं, चत्तारि सिणेहविगईओ प० त० तेल्लं घयं वसा णवणीयं, चत्तारि महाविगईओ प० त० महुं मंसं मज्जं णवणीयं // 44 // चत्तारि कूडागारा प० तं० गुत्तेणाममेगे गुत्ते, गुत्तेणाममेगे अगुत्ते, अगुत्ते णाममेगे गुत्ते, अगुत्ते णाममेगे अगुत्ते, एवामेव चत्तारि पुरिसजाया प० तं गुत्तेणाममेगे गुत्ते 4 / चत्तारि कूडागारसालाओ प०० गुत्ता णाममेगा गुत्तदुवारा, गुत्ताणाममेगा अगुत्तदुवारा, अगुत्ता णाममेगा गुत्तदुवारा, अगुत्ता णाममेगा अगुत्तदुवारा, एवामेव चत्तरित्थीओ प० तं० गुत्ता णाममेगा गुत्तिंदिया, गुत्ता णाममेगा अगुत्तिदिया 4 / / 45 / / चउविहा ओगाहणा प० तं० दव्योगाहणा खेत्तोगाहणा कालोगाहणा भावोगाहणा / / 46 // चत्तारि पण्णत्तीओ अंगबाहिरियाओ प० तं० चंदपण्णत्ती सूरपण्णत्ती जंबुद्दीवपण्णत्ती, दीवसागरपण्णत्ती // 47 // चउत्थं ठाणं बीओ उद्देसो चत्तारि पडिसलीणा प० त० कोहपडिसलीणे माणपडिसंलीणे मायापडिसंलीणे लोभपडिसंलीणे / चत्तारि अपडिसंलीणा प० तं० कोहअपडिसंलीणे जाव लोभअपडिसलीणे / चत्तारि पडिसंलीणा प० तं० मणपडिसलीणे, वइपडिसलीणे, कायपडिसलीणे, इंदियपडिसंलीणे / चत्तारि अपडिसंलीणा प० तं० मणअपडिसलीणे जाव इंदिय० // 48 // चत्तारि पुरिसजाया प० त० दीणे णाममेगे दीणे, दीणे णाममेगे अदीणे, अदीणे णाममेगे दीणे, अदीणे णाममेगे अदीणे। चत्तारि पुरिसजाया प० त० दीणे णाममेगे दीणपरिणए, दीणे णाममेगे अदीणपरिणए, अदीणे णाममेगे दीणपरिणए, अदीणे णाममेगे अदीणपरिणए / चत्तारि पुरिसजाया प० तं० दीणे णाममेगे दीणरूवे 4, एवं दीणमणे दीणसंकप्पे दीणपण्णे दीणदिट्ठी दीणसीलायारे दीणववहारे 4, चत्तारि पुरिसजाया प० तं० दीणे णाममेगे दीणपरक्कमे, दीणे णाममेगे अदीणपरक्कसे 4, एवं सव्वेसिं चउभंगो भाणियव्वो / चत्तारि पुरिसजाया प० त० दीणे णाममेगे दीणवित्ती 4, एवं दीणजाई दीणभासी, दीणोभासी / चत्तारि
