________________ 238 अंग-पविट्ठ सुत्ताणि लोगंते, वेयंते, समयंते // 119 // तओ जिणा प० तं० ओहिणाणजिणे मणपज्जवणाणजिणे, केवलणाणजिणे / तओ केवली प० तं० ओहिणाणकेवली; मणपज्जवणाणकेवली, केवलणाणकेवली / तओ अरहा प० तं० ओहिणाणअरहा, मण. पज्जवणाणअरहा, केवलणाणअरहा ||120 // तओ लेस्साओ दुब्भिगंधाओ प० तं० कण्हलेस्सा, णीललेस्सा, काउलेस्सा / तओ लेस्साओ सुब्भिगंधाओ प० तं० तेऊ-पम्ह-सुक्कलेस्सा। एवं दुग्गइगामिणीओ, सुगइगामिणीओ संकिलिट्ठाओ, असंकिलिट्ठाओ, अमणुण्णाओ, मणुण्णाओ, अविसुद्धाओ, विसुद्धाओ, अप्पसत्थाओ, पसत्थाओ, सीअलुक्खाओ, णिद्धण्हाओ // 121 // तिविहे मरणे प० तं० बालमरणे, पंडियमरणे, बालपंडियमरणे / बालमरणे तिविहे प० तं० ठिअलेस्से, संकिलिट्ठलेस्से, पज्जवजायलेस्से / पंडियमरणे तिविहे प० तं० ठिअलेस्से, असंकिलिट्ठलेस्से, पज्जवजायलेस्से / बालपंडियमरणे तिविहे प० तं० ठिअलेस्से असंकिलिट्ठलेस्से अपज्जवजायलेस्से // 122 // तओ ठाणा अव्वव सियस्स अहियाए, असुभाए, अखमाए, अणिस्सेसाए, अणाणुगामियत्ताए भवंति तंo से णं मुंडे भवित्ता अगाराओ अणगारियं पव्वइए णिग्गंथे पावयणे संकिए कंखिए वितिगिच्छिए भेदसमावण्णे कलुससमावण्णे णिग्गंथं पावयणं णो सद्दहइ, णो पत्तियइ, णो रोएइ, तं परीसहा अभिजुजिय अभिजंजिय अभिभवंति, णो से परीसहे अभिजंजिय अभिमुंजिय अभिभवइ, से णं मुंडे भवित्ता अगाराओ अणगारियं पवइए पंचहिं महव्वएहिं संकिए जाव कलुससमावण्णे, पंचमहव्वयाई णो सद्दहइ जाव णो से परीस हे अभिजुजिय 2 अभिभवइ, से णं मुंडे भवित्ता अगाराओ अणगारियं पव्वइए छहिं जीवणिकाएहिं जाव अभिभवइ / तओ ठाणा बवसियस्स हियाए जाव आणुगामियत्ताए भवंति तं० से णं मुंडे भवित्ता अगाराओ अणगारियं पव्वइए णिग्गंथे पावयणे णिस्संकिए णिकंखिए जाव णो कलुससमावण्णे णिग्गंथं पावयणं सद्दहइ पत्तियइ रोएइ से परीसहे अभिमुंजिय 2 अभिभवइ, णो तं परीसहा अभिमुंजिय 2 अभिभवंति, से णं मुंडे भवित्ता अगाराओ अणगारियं पन्वइए समाणे पंचहिं महत्वएहिं णिस्संकिए-णिकंखिए जाव, परीसहे अभिर्जुजिय 2 अभिभवइ, णो तं परीसहा अभिजुंजिय 2 अभिभवंति, से णं जाव छहिं जीवणिकाएहिं णिस्संकिए जाव परीसहे अभिमुंजिय 2 अभिभवइ, णो तं परीसहा
