________________ सूयगडो सु. 2 अ. 3 175 विहाणं मणुस्साणं / तं जहा—कम्मभूमगाणं अकम्मभूमगाणं अंतरदीवगाणं आरियाणं मिलक्खुयाणं / तेसिं च णं अहाबीएणं अहावगासेणं इत्थीए पुरिसस्स य कम्मकडाए जोणिए एत्य णं मेहुणवत्तियाए (व) णामं संजोगे समुप्पज्जइ / 'ते दुहओ वि सिणेहं संचिणंति / तत्थणं जीवा इत्थित्ताए पुरिसत्ताए णपुंसगत्ताए विउटुंति, ते जीवा माउउयं पिउसुक्कं तं तदुभयं संसटुं कलुसं किविसं तं पढमत्ताए आहारमाहारेति तओ पच्छा जं से माया णाणाविहाओ रसविहीओ आहारमाहारेति तओ एगदेसेणं ओयमाहारेंति अणुपुव्वेण वुड्डा पलिपागमणुपवण्णा तओ कायाओ अभिणिवट्टमाणा इत्थि वेगया जणयंति पुरिसं वेगया जणयंति, णपुंसगं वेगया जणयंति ते जीवा डहरा समाणा माउक्खीरं सप्पिं आहारेंति अणुपुट्वेणं वुड्डा ओयणं कुम्मासं तसथावरे य पाणे ते जीवा आहारेंति पुढविसरीरं जाव सारूवियकडं संतं अवरेवि य णं तेसिं णाणाविहाणं मणुस्सगाणं कम्मभूमगाणं अकम्मभूमगाणं अंतरदीवगाणं आरियाणं मिलक्खूणं सरीरा णाणावण्णा जाव भवंति त्ति मक्खायं // अहावरं पुरक्खायं णाणाविहाणं जलचराणं पंचिंदियतिरिक्खजोणियाणं, तं जहा-मच्छाणं जाव सुंसुमाराणं तेसिं च णं अहाबीएणं अहावगासेणं इत्थीए पुरिसस्स य कम्म तहेव जाव तओ एगदेसेणं ओयमाहारेंति अणुपुट्वेणं वुड्डा पलिपागमणुपवण्णा तओ कायाओ अभिणिवट्टमाणा अंडं वेगया जणयंति पोयं वेगया जणयंति, से अंडे . उब्भिज्जमाणे इत्थि वेगया जणयंति, पुरिसं वेगया जणयंति, णपुंसगं वेगया जणयंति, ते जीवा डहरा समाणा आउसिणेहमाहारेंति, अणुपुव्वेणं वुड्डा वणस्सइकायं तसथावरे य पाणे ते जीवा आहारेति पुढविसरीरं जाव संतं अवरेवि य णं तेसिं णाणाविहाणं जलचरपंचिंदियतिरिक्खजोणियाणं मच्छाणं जाव सुंसुमाराणं सरीरा णाणावण्णा जावमक्खायं // अहावरं पुरक्खायं णाणाविहाणं चउप्पयथलयरपंचिंदियतिरिक्खजोणियाणं तं जहा-एगखुराणं दुखुराणं गंडीपयाणं सणप्फयाणं तेसिं च णं अहाबीएणं अहावगासेणं इथिए पुरिसस्स य कम्म जाव मेहुणवत्तिए णामं संजोगे समुप्पजइ ते दुहओ वि सिणेहं संचिणंति तत्थणं जीवा इत्थित्ताए पुरिसत्ताए जाव विउटृति ते जीवा माउउयं पिउसुक्कं एवं जहा मणुस्साणं जाव इत्थि वेगया जणयंति पुरिसंपि णपुंसगंपि ते जीवा डहरा समाणा माउक्खीरं सप्पिं आहारैति अणुपुव्वेणं वुड्डा वणस्सइकायं तसथावरे य पाणे ते जीवा आहारेंति पुढविसरीरं
