________________ 160 अंग-पविट्ठ सुत्ताणि इरियासमियस्स भासासमियस्स एसणासमियस्स आयाणभण्डमत्तणिखेवणासमियस्स उच्चारपासवणखेलसिंघाणजल्लपारिट्ठावणियासमियस्स मणसमियस्स वयसमियस्स कायसमियस्स मणगुत्तस्स वयगुत्तस्स कायगुत्तस्स गुत्तिंदियस्स गुत्तबम्भयारिस्स आउत्तं गच्छमाणस्स आउत्तं चिट्ठमाणस्स आउत्तं णिसीयमाणस्स अउत्तं तुयट्ट. माणस्स आउत्तं भुंजमाणस्स आउत्तं भासमाणस्स' आउत्तं वत्थं पडिग्गहं कम्बलं पायपुंछणं गिण्हमाणस्स वा णिक्खिवमाणस्स वा जाव चक्खुपम्हणिवायमवि अत्थि विमाया सुहुमा किरिया इरियावहिया णाम कज्जइ / सा पढमसए बद्धा पुट्ठा . बिईयसमए वेइया तइयसमए णिज्जिण्णा सा बद्धा पुट्ठा उदीरिया वेइया णिज्जिण्णा सेयकाले अकम्मे यावि भवइ / एवं खलु तस्स तप्पत्तियं सावज्ज ति आहिज्जइ, तेरसमे किरियट्ठाणे इरियावहिए त्ति आहिज्जइ। से बेमि जे य अईया जे य पडुप्पण्णा जे य आगमिस्सा अरिहंता भगवंता सव्वे ते एयाई चेव तेरस किरियढाणाई भासिंसु वा भासेंति वा भासिस्संति वा पण्णविसु वा पण्णवेंति वा पण्णविस्संति वा, एवं चेव तेरसमं किरियट्ठाणं सेविंसु वा सेवंति वा सेविस्संति वा // 14 // अदुत्तरं च णं पुरिसविजयं विभंगमाइक्विस्सामि / इह खलु णाणापण्णाणं णाणाछदाणं णाणासीलाणं णाणादिट्ठीणं णाणारुईणं जाणारंम्भाणं णाणाज्झवसाणसंजुत्ताणं णाणाविहपावसुयज्झयणं एवं भवइ / तं जहा-भोमं उप्पायं सुविणं अंतलिक्खं अंगं सरं लक्खणं वंजणं इत्थिलक्खणं पुरिसलक्खणं हयलक्खणं गयलक्खणं गोणलक्षणं मेण्डलक्खणं कुक्कुडलक्खणं तित्तिरलक्खणं वट्टगलक्खणं लावयलक्खणं चक्क. लक्खणं छत्तलक्खणं चम्मलक्खणं दण्डलक्खणं असिलक्खणं मणिलक्खणं कागिणिलक्खणं सुभगाकरं दुब्भगाकरं गब्भाकर मोहणकरं आहव्वणिं पांगसासणिं दव्वहोम खत्तियविजं चंदचरियं सूरचरियं सुक्कचरियं बहस्सइचरियं उक्कापावं दिसादाहं मियचकं वायसपरिमण्डलं पंसुषुढिं केसवुट्ठि मंसवुढिं रुहिरवुढिं वेयालिं अद्धवेयालिं ओसोवणिं तालुग्घाडणिं सोवागिं सोवारि दामिलिं कालिंगि गोरि गंधारि ओवयणिं उप्पयणिं जम्भणिं थम्भणिं लेसणिं आमयकरणिं विसल्लकरणिं पक्कमणिं अंतद्धाणिं आयमिणिं, एवमाइयाओ विजाओ अण्णस्स हेउं पति पाणस्स हेडं पउंजंति वत्थस्स हेउं पउंजंति लेणस्स हेउं पउंजंति सयणस्स हेउं पउंजंति, अण्णेसिं वा विरूवरूवाणं कामभोगाण हेउं पउंजंति / तिरिच्छं ते विज्ज सेवंति, ते अणारिया
