Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 156

सुयगडो-बीओ सुयक्खंधो पोंडरीए णाम पढमं अज्झयणं सुयं मे आउसं तेणं भगवया एवमक्खायं / इह खलु पोण्डरीए णामज्झयणे तस्स णं अयमढे पण्णत्ते / से जहाणामए पुक्खरिणी सिया बहुउदगा बहुसेया बहुपुक्खला लद्धट्ठा पुण्डरिकिणी पासाइया दरिसणिया अभिरूवा पडिरूवा / तीसे णं पुक्खरिणीए तत्थ तत्थ देसे देसे तहिं तहिं बहवे पउमवरपोण्डरीया बुइया, अणुपुबुढ़िया ऊसिया रुइला वण्णमंता गंधमंता रसमंता फासमंता पासाइया दरिसणिया अभिरूवा पडिरूवा। तीसे णं पुक्खरिणीए बहुमज्झदेसभाए एगे महं पउमवरपोण्डरीए बुइए, अणुपुव्वुट्ठिए ऊसिए रुइले वण्णमंते गंधमंते रसमंते फासमंते पासादीए जाव पडिरूवे / सव्वावंति च णं तीसे पुक्खरिणीए तत्थ तत्थ देसे देसे तहिं तहिं बहवे पउमवरपोण्डरीया बुइया अणुपुबुढ़िया ऊसिया रुइला जाव पडिरूवा / सव्वावंति च णं तीसे णं पुक्खरिणीए बहुमज्झदेसभाए एगे महं पउमवरपोण्डरीए बुइए अणुपुबुट्ठिए जाव पडिरूवे // 1 // अह पुरिसे पुरित्थिमाओ दिसाओ आगम्म तं पुक्खरिणिं तीसे पुक्खरिणीए तीरे ठिचा पासइ तं महं एगं पउमवरपोण्डरीयं अणुपुब्बुट्ठियं ऊसियं जाव पडिरूवं / तए णं से पुरिसे एवं वयासी-अहमंसि पुरिसे खेयण्णे कुसले पण्डिए वियत्ते मेहावी अबाले मग्गडे मग्गविऊ मग्गस्स गइपरिक्कमण्णू। अहमेयें पउमवरपोंडरीयं उण्णिक्खिस्सामि त्ति कटु इइ बुया से पुरिसे अभिक्कमेइ तं पुक्खरिणिं / जावं जावं च णं अभिक्कमेइ तावं तावं च णं महंते उदए महंते सेए पहीणे तीरं अपत्ते पउमवरपोण्डरीयं णो हव्वाए णो पाराए अंतरा पुक्खरिणीए सेयंसि णिसण्णे पढमे पुरिसजाए // 2 // अहावरे दोचे पुरिसजाए / अह पुरिसे दक्खिणाओ दिसाओ आगम्म तं पुक्खरिणिं तीसे पुस्खरिणीए तीरे ठिच्चा पासइ तं महं एगं पउमवरपोण्डरीयं अणुपुबुट्ठियं पासाइयं जाव पडिरूवं / तं च एत्थ एगं पुरिसजायं पासइ पहीणतीरे अपत्तपउमवरपोण्डरीयं णो हवाए णो पाराए अंतरा पुक्खरिणीए सेयंसि णिसणं / तए णं से पुरिसे तं पुरिसं एवं वयासी-अहो णं इमे पुरिसे अखेयण्णे