________________ विवागसुयं सु 1 अ. 10 1451 समाणे बहुहि राईसर जाव सत्यवाहेहि मित्त जाव परियणेण य सद्धि रोय. माणे 3 सिरीए देवीए महया इड्डीए णीहरणं करेइ 2 ता आसुरुत्ते. देव- दत्तं देवि पुरिसेहि गिण्हावे. एएणं विहाणेणं वज्झं आणवेइ / तं एवं खलु गोयमा ! देवदत्ता देवी पुरापुराणाणं.....विहरइ / देवदत्ता णं भंते ! देवी इओ कालमासे कालं किच्चा कहिंगच्छि(मि)हि० कहिं उववज्जिहिइ ? गोयमा! असीई वासाई परमाउयं पालइत्ता कालमासे कालं किच्चा इमीसे रयणप्प. भाए पुढवीए रइयत्ताए उववण्णा संसारो वणस्सइ....तओ अणंतरं उव्वट्टित्ता. गंगपुरे णयरे हंसत्ताए पच्चायाहिइ, से गं तत्थ साउणिएहि वहिए समाणे तत्थेव गंगपुरे णयरे सेटिकु० बोहि.....सोहम्मे......महाविदेहे वासे सिज्झिहि० / णिक्खेवो // 26 // ॥णवमं अज्झयणं समत्तं / / अंजू णाम दसमं अज्झयणं जइ णं भंते ! समणेणं भगवया महावीरेणं दसमस्स उक्खेवो एवं खलु जंबू ! तेणं कालेणं तेणं समएणं वद्धमाणपुरे णाम णयरे होत्था, विजयवद्धमाणे उज्जाणे, माणिभद्दे जक्खे, विजयमित्ते राया, तत्थ गंधणदेवे णामं सत्यवाहे होत्था अड्ढे०, पियंगू णामं भारिया, अंजू दारिया जाव सरीरा, समोसरणं परिसा जाव पडिगया। तेणं कालेणं तेणं समएणं जेठे जाव अडमाणे जाव विजयमित्तस्स रणो गिहस्स असोगवणियाए अदूरसामंतेणं वीईवयमाणे पासइ एगं इत्थियं सुक्क भुक्खं णिम्मंसं किडिकिडियाभूयं अद्विचम्मावणद्धं णीलसाडगणियत्थं कट्ठाई कलुणाई वीसराई कूवमाणं पासइ० चिता तहेव जाव एवं वयासी-सा गं मंते ! इत्थिया पुव्व. भवे का आसी ? वागरणं / एवं खल गोयमा ! तेणं कालेणं तेणं समएणं इहेव जंबुद्दीवे दोवे भारहे वासे इंदपुरे गामं गयरे होत्था। तत्थ णं इंदवत्ते राया पुढवीसिरी गामं गणिया होत्था वण्णओ। तए णं सा पुढवीसिरी गणिया इंदपुरे णयरे बहवे राईसर जाव प्पभियओ बहूहिं चुण्णप्पओगेहि य जाव आभिओगेत्ता उरालाई माणस्सगाई भोगभोगाइं मुंजमाणी विहरइ / तए णं सा पुढवीसिरी गणिया एयकम्मा 4 सुबहुं० समज्जिणित्ता पणतीसं वाससयाई परमाउयं पालइत्ता कालमासे कालं किच्चा छट्ठीए उक्कोसेणं० णेरइयत्ताए उववण्णा / सा णं तओ अणंतरं उव्वट्टित्ता इहेव वद्धमाणपुरे गयरे धणदेवस्स
