________________ 1384 अंग-पविट्ठ सुत्ताणि तत्थ तत्थ वत्तपुव्वा संगामा जणक्खयकरा सीयाए दोवईए कए रुप्पिणीए पउ. मावईए ताराए कंचणाए रत्तसुभद्दाए अहिल्लियाए सुवण्णगलियाए किण्णरीए सुरूवविज्जमईए रोहिणीए य, अण्णेसु य एवमाइएसु बहवो , महिलाकएसु सुव्वंति अइक्कंता संगामा गामधम्ममूला इहलोए ताव गट्ठा परलोएवि य गट्ठा महया मोहतिमिसंधयारे घोरे तसथावरसुहुमबायरेसु पज्जत्तमपज्जत्तसाहारणसरीरपत्तेयसरीरेसु य अंडजपोतजजराउयरसजसंसेइमसमच्छिमउम्भियउवबाइएसु य गरयतिरियदेवमाणसेसु जरामरणरोगसोगबहले पलिओवमसागरोबमाई अणाईयं अणवदग्गं दोहमद्धं चाउरंतसंसारकंतारं अणुपरियटृति जीवा . मोहवससणिविट्ठा / एसो सो अबंभस्स फ़लविवागो इहलोइओ परलोइओ य अप्पसुहो बहुदुक्खो महमओ बहरयप्पगाढो वारुणो कक्कसो असाओ वाससहस्सेहि मच्चई, ण य अवेयहत्ता अस्थि हु मोक्खोति / एवमाहंसु णायकुल. गंदणो महप्पा जिणो उ वीरवरणामधेज्जो कहेसी य अबंभस्स फलविवागं एवं तं अबंभंपि चउत्थं सदेवमणुयासुरस्स लोगस्स पत्थणिज्ज एवं चिरपरिचिय. मणगयं दुरंतं / चउत्थं अधम्मदारं समत्तंतिबेमि // 16 // // चउत्थं अज्झयणं समत्त / पंचमं अज्झयणं .. जंबू ! इत्तो परिग्गहो पंचमो उ णियमा गाणामणिकणगरयणमहरिहपरिमलसपुत्तदारपरिजणदासीदासभयगपेसहयगयगोमहिसउट्टखरअयगवेलगसी. यासगडरहजाणजग्गसंदणसयणासणवाहणकुवियधणधण्णपाणभोयणाच्छायणगंधमल्लभायणमवणविहिं चेव बहुविहीयं भरहं जगणगरणियमजणवयपुरवरदोणमहखेडकब्बडमडंबसंबाहपट्टणसहस्सपरिमंडियं घिमियमेइणीयं एगच्छत्तं ससागरं भुंजिऊण वसुहं अपरिमियमणंततहमणगयमहिच्छसारणिरयमूलो लोभकलिकसायमहक्खंधो चितासणिचियविउलसालो गारवपविरल्लियग्गविडवो णियडितयापत्तपल्लवधरो पुप्फफलं जस्स कामभोगा आयासविसूरणाकलहपकंपियग्गसिहरो गरवइसंपूइओ बहुजणस्स हिययदइओ इमस्स मोक्खवरमोत्तिमग्गस्स फलिहभूओ चरिमं अहम्मदारं // 17 // तस्स य गामाणि इमाणि गोण्णाणि होंति तीसं, तंजहा-परिग्गहो 1 संचयो 2 चयो 3 उवचयो 4 णिहाणं 5
