________________ पण्हावागरणं सु.१ अ. 4 .. 1383 / ' णहा मंसलग्गहत्था कोमलपीवरवरंगुलिया गिद्धपाणिलेहा ससिसूरसंखचक्कवर. सोत्थियविभत्तसुधिरइयपाणिलेहा पीणुग्णयकक्खवस्थिप्पएसपडिपुण्णगलकवोला चउरंगुलसुप्पमाणकबुवरसरिसगीवा मंसलसंठियपसत्थहणुया दालिमपुष्पप्पगासपीवरपलंबकुंचियवराघरा सुंदरोत्तरोट्ठा दधिदगरयकुंदचंदवासंतिमउल.. अच्छिद्दविमलदसणा रत्तुप्पलपउमपत्तसुकुमालतालुजीहा कणवीरमुउलऽकुडिलsभुष्णय-उज्जतुंगणासा सारयणवकमल-कुमुय-कुवलयदलणिगरसरिसलक्षणपसत्थअजिम्हकतणयणा आणामियचावरुइलकिण्हाभराइसंगयसुजायतणकसिणणिद्धभुमगा अल्लीणपमाणजुत्तसवणा सुस्सवणा पीणमट्टगंडलेहा चउरंगुलविसालसमणिडाला कोम इरयणिकरविमलपडिपुण्णसोमवदणा छत्तण्णयउत्त. मंगा अकविलसुसिणिद्धदीहसिरया छत्तज्झयजवथभदामिणिकमंडल कलसवाविसोत्थिय-पडागजव-मच्छ-कुम्मरहवरमकरज्झय-अंक-थाल अंकुस अट्ठावयसुपइट्ठअमर-सिरियाभिसेय-तोरण-मेइणि-उदधिवर-पवरभवण-गिरिवर-वरायंस-सल. लियगयउसम-सीह-चामर-पसत्थबत्तीसलक्खणधरीओ हंससरिच्छगईओ कोइलमहुरगिराओ कंता सव्वस्स अणुमयाओ ववगलिपलितवंगदुव्वण्णवाहिदोहग्ग. सोयमुक्काओ उच्चत्तेण य गराण थोवूणमूसियाओ सिंगारागारचारुवेसाओ सुंदर-थण-जहण-वयण करचरण णयणा लावण्णरूवजोव्वणगणोववेया गंदणवण. विवरचारिणीओ-व्वअच्छराओ उत्तरकुरुमाणसच्छराओ अच्छेरगपेच्छणिज्जि. याओ तिण्णि य पलिओवमाई परमाउं पालइत्ता ताओऽवि उवणमंति मरण. धम्म अवितित्ता कामाणे // 1 // मेहुणसण्णासंपगिद्धा य मोहरिया सत्यहि हणंति एक्कमेक्कं विसयविसउदीरएसु, अवरे परदारेहिं हम्मति विसुणिया धणणासं सयणविप्पणासंच पाउणंति, परस्स दाराओ जे अविरया मेहणसण्ण. संपगिद्धा य मोहमरिया अस्सा हत्थी गवा य महिसा मिगा य मारेंति एक्क. मेक्क, मणयगणा वाणरा य पक्खी य विरुझंति, मित्ताणि खिप्पं भवंति सत्त समये धम्मे गणे य मिदंति पारदारी, धम्मगुणरया य बंभयारी खणेण उल्लोट्ठए चरित्ताओ जसमंतो सुव्वया य पावेंति अयसकित्ति रोगत्ता वाहिया पवड्ढेति रोयवाही, दुवे य लोया दुआराहगा भवंति-इहलोए चेव परलोए परस्स दाराओ जे अविरया, तहेव केइ परस्स दारं गवेसमाणा गहिया हया . य बद्धरुदा य एवं जाव गच्छति विउलमोहाभिभूयसण्णा / मेहुणमूलं च सुव्वए
