________________ 1330 अंग-पविट्ठ सुत्ताणि दीवे भारहे वासे आगमेसाए उस्मप्पिणीए पुंडेसु जणवएसु सयदुबारे जयरे बारसमे अममे णामं अरहा भविस्सासि, तत्थ तुम बहूई वासाई केवलिपरियागं पाउणेत्ता सिज्झिहिसि 5 / तए णं से कण्हे वासुदेवे अरहओ अरिटणेमिस्स अंतिए एयमलैं सोच्चा णिसम्म हटतुट्ठ० अप्फोडेड 2 ता वग्गइ 2 ता तिवई छिदइ 2 ता सीहणायं करेड 2 ता अरहं अरिटमि वंदइ णमंसइ वं० 2 ता तमेव अभिसेक्क हत्थियर० दुरूहइ 2 ता जेणेव बारवई णयरी जेणेव सए गिहे तेणेव उवागए, अभिसेयहत्थिरयणाओ पच्चोरुहइ० जेणेव बाहिरिया उवट्ठाणसाला जेणेव सए सीहासणे तेणेव उवागच्छइ 2 ता सीहामणवरंमि पुरत्याभिमहे णिसीयइ 2 ता कोडुबियपुरिसे सद्दावेइ 2 ता एवं दयासी-गच्छह णं तुभे देवाणप्पिया ! बारवईए णयरीए सिंघाडग० जाव उवघोसेमाणा एवं वयहएवं खल देवाणप्पिया ! बारवईए णयरीए णवजोयण जान शमाए सुरग्गिदीवायणमूलाए विणासे भविस्सइ, तं जो णं देवाणप्पिया ! इच्छइ बारवईए णयरीए राया वा जुवराया वा ईसरे तलवरे माउंबियकोडंबियइब्भसेट्ठी वा देवी वा कुमारो वा कुमारी वा अरहओ अरिटणेमिस्स अंतिए मुंडे जाव पव्व. इत्तए तं णं कण्हे वासुदेवे विसज्जेइ, पच्छातुरस्स वि य से अहापवित्तं वित्ति अणजाणइ महया इडिसक्कारसमुदएण य से णिक्ख मणं करेइ, दोच्चपि तच्चपि घोसणयं घोसे ह 2 ता ममं एयमाणत्तियं पच्चप्पिणह / तए ते कोडुंबिय जाव पच्चप्पिणंति / तए णं सा पउमावई देवी अरहओ० अंतिए धम्म सोच्चा णिसम्म हट्टतुट्ठ० जाव हियया अरहं अरिदुणेमि वंदइ णमंसइ दं० 2 ता एवं वयासी-सद्दहामि णं भंते ! णिग्गंथं पदयणं० से जहेयं तुब्भे वयह ज णवर देवाणुप्पिया ! कण्हं वासुदेवं आपुच्छामि, तए णं अहं देवा० अतिए मुंडा जाव पव्वयामि / अहासुहं देवाणप्पि० ! मा पडिबंधं करेहि / तए णं सा पउमावई देवी धम्मियं जाणप्पवरं दुरूहइ 2 ता जेणेव बारवई णयरी जेणेव सए गिहे तेणेव उवागच्छइ 2 ता धम्मियाओ जाणाओ पच्णोरुहइ 2 ता जेणे व कण्हे वासुदेवे तेणेव उवागच्छइ 2 ता करयल अंजलि कटु (कह डा०) एवं वयासी-इच्छामि णं देवाणुप्पिया ! तुहि अब्भणुण्णाया समाणी अरहओ अरिटुणेमिस्स अंतिए मुंडा जाव पव्व० / अहासुहं० ।-तए णं से कण्हे वासुदेवे कोडुबिए पु० सद्दावेइ 2 ता एवं वयासी-खिप्पा व भो दे० पउमा.
