________________ 1318 अंग-पविट्ट सुत्ताणि पुरे णयरे णागे णामं गाहावई होत्था अड्ढे जाव अपरिभूए, तस्स णं णागस्स गाहावइस्स सुलसा णामं मारिया होत्था सुकुमाला जाव सुरुवा, तस्स णं णागस्स गाहावइस्स पुत्ते सुलसाए भारियाए अत्तए अणीयसे णामं कुमारे होत्था सूमाले जाव सुरूवे पंचधाइपरिक्खित्ते तं०-खीरधाई [0] जहा दढपइण्णे जाव गिरि० सुहसुहेणं परिवडइ, तए णं अणियसं कुमारं साइरेगअटुवासजायं अम्मापियरो कलायरिय० जाव भोगसमत्थे जाए यावि होत्या, तए णं तं अणीयसं कुमारं उम्मक्कबालभावं जाणेत्ता अम्मापियरो सरिसियाणं जाव बत्तीसाए इन्भ. . वरकण्णगाणं एगदिवसे पाणि गेण्हावेंति, तए णं से णागे गाहावई अणीयसस्स कुमारस्स इमं एयारूवं पीइदाणं दलयइ तं०-बत्तीसं हिरण्णकोडीओ० जहा महाबलस्स जाव उप्पि पासायवरगए फट्ट० विहरइ, तेणं कालेणं तेणं समएणं अरहा अरिद्वणेमी जाव समोसढे सिरिवणे उज्जाणे अहा जाव विहरइ परिसा णिग्गया, तए णं तस्स अणीयसस्स कु० तं (म०) जहा गोयमे तहा णवरं सामाइयमाइयाई चोद्दस-पुवाई अहिज्जइ वीसं वासाइं परियाओ सेसं तहेव जाव सेत्तुंजे पवए मासियाए संलेहणाए जाव, सिद्धे (5) / एवं खलु जंबू ! समणेणं. अट्ठमस्स अंगस्स अतगडदसाणं तच्चस्स वग्गस्स पढम-अज्झयणस्स अयमठे पण्णत्ते, एवं जहा अणीयसे एवं सेसा-वि अणंतसेणे जाव सत्त. सेणे छ-अज्झयणा एगगमा बत्तीसओ दाओ वीसं वासा परियाओ चोदस पु० सेत्तुंजे जाव सिद्धा // छ?मज्झयणं समतं // 4 // (ज० 0 भ० उ० स०) तेणं कालेणं तेणं समएणं बारवईए णयरीए जहा पढमे णवरं वसुदेवे राया धारिणी देवी सीहो सुमिणे सारणे कुमारे पण्णासओ दाओ चोद्दस पुव्वा वीसं वासा परियाओ सेसं जहा गोयमस्स जाव सेतुंजे सिद्धे // 5 // जइ० उक्खेवओ अटुमस्स एवं खल जंब ! तेणं कालेणं तेणं समएणं बारवईए णयरीए जहा पढमे जाव अरहा अरिटणेमी सामी समोसढे / तेणं कालेणं तेगं समएणं अरहओ अरिट्ठणेमिस्स अंतेवासी छ अणगारा भायरो सहोदरा होत्था सरिसया सरित्तया सरिव्वया णीलप्पलगवलगुलियअयसिकुसुमप्पगासा सिरिव. च्छंकियवच्छा कुसुमकुंडलभद्दलया जलकुब्बरसमाणा, तए गं ते छ अण. गारा जं चेव दिवसं मुंडा भवेत्ता अगाराओ अणगांरियं पव्वइया तं चेव दिवसं अरहं अरिद्वमि वंदति णमंसंति वं० 2 ता एवं वयासी-इच्छामो गं
