________________ अंतगडदसाओ व. 2-3 1317 गच्छइ. 2 ता अरहं अरिट्ठमि तिक्खत्तो आयाहिणपयाहिणं करेइ 2 ता वंदइ णमंसइ वं० 2 ता एवं वयासी-इच्छामि गं मंते ! तुहिं अन्भणण्णाए समाणे मासियं भिक्खुपडिमं उवसंपज्जिताणं विहरित्तए, एवं जहा खंदओ तहा बारस भिक्खुपडिमाओ फासेइ० गुणरयणंपि तवोकम्मं तहेव फासेइ गिरव. सेसं जहा खंदओ तहा चितेइ तहा आपुच्छइ तहा थेरेहि सद्धि सेतुंज दुरूहइ मासियाए संलेहणाए बारस वरिसाइं परियाए जाव सिद्धे (5) // 1 // एवं खल जंबू ! समणेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स पढमस्स अज्झयणस्स अयमठे पण्णत्ते। एवं जहा गोयमो तहा सेसा वही पिया धारिणी माया समुद्दे सागरे गंभीरे थिमिए अयले कंपिल्ले अक्खोभे पसेणई विण्हू एए एगगमा, पढमो वग्गो समतो // 2 // दोच्चो वग्गो जइ दोच्चस्स वग्गस्स० उखेवओ, तेणं कालेणं तेगं समएणं बारवईए णयरीए वही पिया धारिणी माया-अक्खोमसागरे खलु समुद्दहिमवंत अ(य)चलणामे य / धरणे य पूरणे वि य अमिचंदे चेव अट्ठमए // 1 // जहा पढमे वग्गे तहा सव्वे अट्ट अज्झयणा, गणरयणं तवोकम्म, सोलस वासाई परियाओ, . सेत्तुंजे मासियाए संलेहणाए जाव सिद्धा० // 3 // तच्चो वग्गो . जइ तच्चस्स० उक्खेवओ एवं खलु जंबू ! (स० जाव सं० अ० अं०) तच्चस्स वग्गस्स अंतगडदसाणं तेरस अज्झयणा पण्णत्ता, तं० अणीयसेणे अणंतसेणे अजियसेणे अणिहयरिउ देवसेणे सतुसेणे सारणे गए सुमहे दुम्महे कूवए दारुए अणादिट्ठी / जइ गं भंते ! समणेणं जाव संपत्तेणं. तच्चस्स वग्गस्स अंतगडदसाणं तेरस अज्झयणा प० (तं० अ० जाव अ०) तच्चस्स गं भंते ! वग्गस्स पढम-अज्झयणस्स अंतगडदसाणं० के अरे प. ? एवं खल जंबू ! तेणं कालेणं तेणं समएणं भद्दिलपुरे णामं णयरे होत्था (रि०) वण्णओ, तस्स गं भहिलपुरस्स ण. उत्तरपुरस्थिमे दिसी. भाए सिरिवणे णामं उज्जाणे होत्था वण्णओ, जियसत्तू राया, तत्थ णं भद्दिल.
