________________ उवासगदसाओ अ. 1 1277 . तयाणंतरं च णं थूलगं मुसावायं पच्चक्खाइ, 'जावज्जीवाए दुविहं तिविहेणं ण करेमि ण कारवेमि मणसा वयसा कायसा' 2 / तयाणंतरं च णं थलगं अदिण्णादाणं पच्चक्खाइ, 'जावज्जीवाए दुविहं तिविहेणं ण करेमि ण कारवेमि मणसा वयसा कायसा' 3 / तयाणंतरं च णं सदारसंतोसिए परिमाणं करेइ, ‘णण्णत्थ एक्काए सिवणंदाए भारियाए, अवसेसं सवं मेहुणविहिं पच्चक्खा (इ) मि मणसा वयसा कायसा 4 / तयाणंतरं च णं इच्छाविहिपरिमाणं करेमाणे हिरण्णसुवण्णविहिपरिमाणं करेइ, णण्णत्थ चहि हिरण्णकोडीहि णिहाणपउत्ताहि, चहि बुड्डिपउत्ताहि चहि पवित्थरपउत्ताहि, अवसेसं सव्वं हिरण्णसुवण्णविहिं पच्चक्खामि 3' / तयाणंतरं च णं चउप्पयविहिपरिमाणं करेइ, 'णण्णत्थ चहि वएहि दसगोसाहस्सिएणं वएणं, अवसेसं सव्वं चउप्पयविहिं पच्चक्खामि 3' / तयाणंतरं च णं खेत्तवत्थुविहिपरिमाणं करेइ, 'णण्णत्थ पंचर्चाह हलसएहि णियत्तणसइएणं हलेणं अवसेसं सवं खेत्तवत्थविहिं पच्चक्खामि 3' / तयाणंतरं च णं सगडविहिपरिमाणं करेइ, ‘णण्णत्थ पंचहि सगडसएहि दिसायत्तिएहि, पंचहि सगडसएहि संवाहणिएहि, अवसेसं सव्वं सगडविहिं पच्चक्खामि 3' / तयाणंतरं च गं वाहणविहिपरि. माणं करेइ, 'णण्णत्थ चहि वाहणेहि, दिसायत्तिएहि चहिं वाहणेहि संवा. हणिएहि, अवसेसं सव्वं वाहणविहिं पच्चक्खामि 3' 5 / तयाणंतरं च णं उव. भोगपरिभोगविहिं पच्चक्खाएमाणे उल्लणियाविहिपरिमाणं करेइ, 'णण्णत्थ एगाए गंधकासाईए, अवसेसं सव्वं उल्लणियाविहिं पच्चक्खामि 3' / तया. तरं च णं दंतवणविहिपरिमाणं करेई, 'णण्णस्थ एगेणं अल्ललट्ठीमहएणं, अवसेसं दंतवणविहिं पच्चक्खामि 3' / तयाणंतरं च णं फलविहिपरिमाणं करेइ, ‘णण्णस्थ एगेणं खीरामलएणं, अवसेसं फलविहिं पच्चक्खामि 3' / तयाणंतरं च णं अभंगणविहिपरिमाणं करेइ, ‘णण्णत्थ सयपागसहस्सपा. हि तेल्लेहि, अवसेसं अब्भंगणविहिं पच्चक्खामि 3' / तयाणंतरं च गं उन्वट्ट (ण) णाविहिपरिमाणं करेइ, 'णण्णत्थ एगेणं सुरहिणा गंधट्टएणं, अवसेसं उध्वट्टणाविहिं पच्चक्खामि 3, / तयाणंतरं च णं मज्जणविहिपरिमाणं करेइ, 'णण्णत्थ अहिं उट्टिएहि उदगस्स घडएहि, अवसेसं मज्जणविहि पच्चक्खामि 3' / तयाणंतरं च णं वत्थविहिपरिमाणं करेइ, 'णण्णत्थ एगेणं
