________________ 1276 अंग-पविट्ठ सुत्ताणि सद्धि अणुरत्ता अविरत्ता इट्ठा सद्द जाव पंचविहे माणुस्सए कामभोए पच्चण. भवमाणी विहरइ / तस्स णं वाणियगामस्स बहिया उत्तरपुरच्छिमे दिसीभाए एत्थ णं कोल्लाए णामं सण्णिवेसे होत्या, रिद्धस्थिमिय जाव पासाईए (4) / तत्थ णं कोल्लाए सण्णिवेसे आणंदस्स गाहावइस्स बहुए मित्तणाइणियगसयण. संबंधिपरिजणे परिवसइ, अड़ढे जाव अपरिभए / तेणं कालेणं तेणं समएणं समणे भगवं महावीरे जाव समोसरिए / परिसा णिग्गया / कूणिए राया जहा तहा जियसत्तू णिग्गच्छइ (2 ता) जाव पज्जवासइ / तए णं से आणंदे गाहावई इमीसे कहाए लद्धठे समाणे 'एवं खल समणे जाव विइरइ, तं महाफलं [जाव] गच्छामि णं जाव पज्जवासामि एवं संपेहेइ संहिता हाए सुद्धप्पावेसाई जाव अप्पमहग्घाभरणालंकियसरीरे सयाओ गिहाओ पडिणिक्ख मइ, पडिणिक्ख. मित्ता सकोरंटमल्लदामेणं छत्तेणं धरिज्जमाणेणं मणस्सवगरापरिविखत्ते पाय. विहार वारेणं वाणियगाम णयरं मज्झमज्झेणं णिग्गच्छइ, णिग्गच्छित्ता जेणामेव दूइपलासे चेइए जेणेव समणे भगवं महावीरे तेणेव उवागच्छइ, उवागच्छित्ता तिक्खत्तो आयाहिणं पयाहिणं करेइ, करेत्ता बंदड़ णमंसइ जाव पज्जवासइ / तए णं समणे भगवं महावीरे आणंदस्स गाहावइस्स तोसे य महइमहालियाए परिसाए जाव धम्मकहा, परिसा पडिगया, राया य गए // 3 // तए णं से आणंदे गाहावई समणस्स भगवओ महावीरस्स अंतिए धम्मं सोच्चा णिसम्म हतुटू जाव एवं वयासी-'सहहामि णं भंते ! णिग्गंथं पावयणं, पत्तियामि णं भंते ! णिग्गंथं पावयणं, रोएमि णं भंते ! णिग्गंथं पावयणं, एवमेयं भंते !, तहमेयं भंते ! ,अवितहमेयं भंते ! , इच्छियमेयं भंते !, पडिच्छियमेयं भंते !, इच्छियपडिच्छियमेयं भंते ! , से जहेयं तुब्भे वयह' तिकटु जहा णं देवाणु. प्पियाणं अंतिए बहवे राईसरतलवरमाडंबियकोडुंबियसेटि (सेणावइ) सत्थवाहप्पभिइया मुंडे भवित्ता अगाराओ अणगारियं पव्वइया, णो खलु अहं तहा संचाएमि मुंडे जाव पव्वइत्तए, अहं णं देवाणु प्पियाणं अंतिए पंचाणुव्वइयं सत्तसिक्खावइयं दुवालसविहं गिहिधम्म पडिवज्जिस्सागि। अहासुहं देवाणु. प्पिया ! मा पडिबंधं करेहि // 4 // तए णं से आणंदे गाहावई समणस्स भगवओ महावीरस्स अंतिए तप्पढमयाए थूलगं पाणाइवायं पच्चक्खाइ, 'जावज्जीवाए दुविहं तिविहेणं ण करेमि ण कारवेमि मणसा वयसा कायसा' 1 /
