Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1271

1258 अंग-पविट्ठ सुत्ताणि वा इमस्स ओरालियसरीरस्स वंतासवस्स पित्तासवस्स सुक्कासवस्स सोणिया. सवस्स जाव अवस्सं विप्पजहियव्वस्स णो वण्णहेउं वा णो रूवहेउं वा णो बल. हेउं वा णो विसयहेउं वा आहारं आहारेइ णण्णत्थ एगाए सिद्धिगमणसंपावणट्टयाए से णं इह-भवे चेव बहूणं समणाणं बहूणं समणीणं बहूणं सावयाणं बहूणं सावियाणं अच्चणिज्जे जाव वीईवइस्सइ / एवं खल जंबू ! समणेणं भगवया महावीरेणं जाव संपत्तेणं अदारसमस णायज्झयणस्स अयमले पण्णत्ते त्ति बेमि // 143 // गाहाओ--जह सो चिलाइपुत्तो सुसुमगिद्धो अकज्जपडिबद्धो / धणपारद्धो पत्तो महावि वसणसयकलियं // 1 // तह जीवो विसयसुहे लुद्धो काऊण पावकिरियाओ। कम्मवसेणं पावइ भवाडवीए महा. दुक्खं // 2 // धणसेट्ठी-विण गुरुणो पुत्ता इव साहवो भवो अडवी / सुयमंसमिवाहारो रायगिह इह सिर्व णेयं // 3 // जह अडविणयरणित्थरणपावणत्थं तएहि सुयमंसं / भुत्तं तहेह साहू गुरूण आणाए आहारं // 4 // भवलंघर्गासव. पावणहेउं भुंज (मुज्ज) ति ण उण गेहीए। वण्णबलरूवहेउं च भावियप्पा महासत्ता // 5 // अट्ठारसमं अज्झयणं सत्तं // पुंडरीए णामं एगूणवीसइमं अज्झयणं जइणं भंते ! समणेणं. अटारसमस्त णायज्झयणस्स अयमठे पण्णत्ते एगणवीस. इमस्स(०)के अठे पण्णत्ते? एवं खलु जंबू ! तेणं कालेणं तेणं समएणं इहेव जंबद्दीवे दीवे पुवविदेहे सीयाए महाणईए उत्तरिल्ले कले णीलवंतस्स दाहिणेणं उत्त. रिल्लस्स सीयामहवणसंडस्स पच्चस्थिमेणं एगसेलगस्स वक्खारपब्वयस्स पुर. स्थिमेणं एत्थ णं पुक्खलावई णाम विजए पण्णत्ते / तत्थ णं पुंडरिगिणी णामं रायहाणी पण्णता णव जोयणवित्थिण्णा दुवालसजोयणायामा जाव पच्चक्खं देवलोयभूया पासाईया दरिसणीया अभिरूवा पडिरूवा / तीसे णं पुंडरिगिणीए णयरीए उत्तरपुरस्थिमे दिसोभाए णलिणिवले नाम उजागे होत्था वण्णओ। तत्थ णं पुंडरिगिणीए रायहाणीए महापउमे णामं राया होत्था / तस्स णं पउमावई णामं देवी होत्था / तस्स णं महापउमस्स रणो पुत्ता पउमावईए देवीए अत्तया दुवे कुमारा होत्या तं जहा-पुंडरीए य कंडरीए य सुकुमालपाणि