Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1252

णायाधम्मकहाओ अ. 16 1239 उत्तमपुरिसा / तए णं से पउमणाभे दोवईए देवीए एयमझें पडिसुणेइ पडिसुणेत्ता हाए जाव सरगं उवेइ उवेत्ता करयल जाव एवं वयासीदिट्ठा. णं देवाणुप्पियाणं इड्ढी जाव परक्कमे / तं खामेमि णं देवा. गुप्पिया ! जाव खमंतु णं जाव णाहं भुल्जो 2 एवं करणयाए-त्तिक? पंजलिउडे पायवडिए कण्हस्स वासुदेवस्स दोवइं देवि साहत्थि उवणेइ / तए णं से कण्हे वासुदेवे पउमणाभं एवं वयासी-हं भो पउमणाभा ! अप्पत्थिय. पत्थिया 4 किण्णं तुमण जाणसि मम भगिण दोवइं देवि इह हवमाणमाणे ? तं एवमवि गए पत्थि ते ममाहितो इयाणि भयमस्थि-त्तिक? पउमणामं पडिविसज्जेइ० दोबई देवि गेण्हइ 2 ता रहं दुरूहेइ 2 ता जेणेव पंच पंडवा तेणेव उवागच्छइ 2 ता पंचण्हं पंडवाणं दोवई देवि साहत्थि उवणेइ / तए णं से कण्हे पंचहिं पंडवेहि सद्धि अप्पछठे छहि रहेहि लवणसमुहं मझमज्झेणं जेणेव जंबुद्दीवे 2 जेणेव भारहे वासे तेणेव पहारेत्थ गमणाए // 126 // तेणं कालेणं तेणं समएणं धायइसंडे दीवे पुरथिमद्धे भारहे वासे चंपा णामं णयरी होत्था / पुण्णभद्दे णामं चेइए / तत्थ णं चंपाए गयरीए कविले णामं वासुदेवे राया होत्था महया हिमवंत० वण्णओ। तेणं कालेणं तेणं समएणं मुणिसुव्वए अरहा चंपाए पुण्णभद्दे समोसढे / कविले वासुदेवे धम्मं सुणेइ। तए णं से कविले वासुदेवे मुणिसुव्वयस्स अरहओ अंतिए धम्मं सुणेमाणे कण्हस्स वासुदेवस्स संख सदं सुणेइ / तए णं तस्स कविलस्स वासुदेवस्स इमेयारूवे अज्झथिए 4 सम. प्पज्जित्था-कि मण्णे धायइसंडे दीवे भारहे वोसे दोच्चे वासुदेवे समुप्पण्णे? जस्स पं. अयं संखसद्दे ममं पिव मुहवायपूरिए वियंभइ ? कविले वासुदेवे सद्दाई सुणेइ। मुणिसुव्वए अरहा कविलं वासुदेवं एवं वयासी-से गूणं ते कविला वासुदेवा ! ममं अंतिए धम्म णिसामेमाणस्स संखसई आकण्णिता इमेयारूवे अज्झस्थिए-कि मण्णे जाव वियंभइ / से पूर्ण कविला वासुदेवा ! अयमठे समठे ? हंता ! अस्थि / तं णो खलु कविला! एवं भूयं वा भवइ वा भविस्सइ वा जण्णं एगखेत्ते एगजगे एगसमए दुवे अरहंता वा चक्कवट्टी वा बलदेवा वा वासुदेवा वा उपज्जिसु वा उपज्जिति वा उप्पज्जिस्संति वा / एवं खलु वासुदेवा ! जंबुद्दीवाओ 2 भारहाओ वासाओ हत्थिणाउराओ णयराओ पंडुस्स रण्णो सुण्हा पंचण्हं पंडवाणं भारिया दोवई देवी तव पउम.